ମୁମ୍ବାଇ: ମ୍ୟୁଜିକ ଲେବଲ ଟି-ସିରିଜ ଲକଡାଉନରେ ଦର୍ଶକଙ୍କୁ ମନୋରଞ୍ଜନ କରିବା ପାଇଁ ନୂଆ ମ୍ୟୁଜିକ ଭିଡିଓ ‘ତେରି ୟାରି’ ନେଇ ଫେରିବ। ଭୂଷଣ କୁମାରଙ୍କ ନିର୍ମିତ ଏହି ମ୍ୟୁଜିକ ଭିଡିଓ ତିନି ବନ୍ଧୁଙ୍କ ଶାନଦାର ବନ୍ଧୁତ୍ବକୁ ନେଇ ପର୍ଯ୍ୟବେଶିତ। ବନ୍ଧୁତ୍ବର ପ୍ରତିଜ୍ଞା ବାଣ୍ଟୁଥିବା ଏହି ଗୀତକୁ ମିଲିନ୍ଦ ଗାବା, କିଙ୍ଗ କାଜି ଓ ଆୟୁଷ୍ମାନ ଖୁରାନାଙ୍କ ଭାଇ ତଥା ଅଭିନେତ୍ରୀ ଅପାରଶକ୍ତି ଖୁରାନା ଗାଇଛନ୍ତି। ସେହିପରି ଏଥିରେ ଅଭିନୟ ମଧ୍ୟ କରିଛନ୍ତି ଏହି ତିନି ଷ୍ଟାର୍ସ।
ପ୍ରକାଶ ଥାଉକି ଲକଡାଉନ ପୂର୍ବରୁ ଦିଲ୍ଲୀର ହୋଜ ଖାସ ଭିଲେଜ ଓ ଦିଲ୍ଲୀର ବାହାର ଅଞ୍ଚଳରେ ସୁଟ କରାଯାଇଥିଲା । ଏହି ଅବସରରେ ଭୂଷଣ କହିଛନ୍ତି ଯେ ଏହା ସାବ୍ୟସ୍ତ ହୋଇଛି ଯେ ସଙ୍ଗୀତ ଏକୁଟିଆପଣକୁ ଦୂର କରିଥାଏ। ଆଉ ମନକୁ ଶାନ୍ତି ମଧ୍ୟ ଯୋଗାଇ। ଲକଡାଉନ ଓ ସେଲ୍ଫ ଆଇସୋଲେସନର ଏହି ସମୟରେ ଆମେ ଖୁସି ଅଛୁ ଯେ ଆଉ ଏକ ମଜାଦାର ଗୀତ ଆମେ ନେଇ ଫେରିବୁ । ଯାହାର ମଜା ଆପଣ ଘରେ ବସି ଉଠାଇପାରିବେ।
ସେପଟେ ଅପାରଶକ୍ତି କହିଛନ୍ତି ଯେ ‘କୁଡିଏ ନି’ ପରେ ଟି-ସିରିଜ ସହ ନିଜର ଆଗାମୀ ସିଙ୍ଗଲ ଗୀତ ନିର୍ମାଣ କରିବାକୁ ଯୋଜନା କରୁଥିଲି । ହେଲେ ପୁରା ଟିମ ସହ ମିଶି ଏହି ମ୍ୟୁଜିକ ଭିଡିଓ ନିର୍ମାଣ କରିବାକୁ ଅଫର ମିଳିଥିଲା । ଯାହାକୁ ନେଇ ସେ ବହୁତ ଖୁସି ଅଛନ୍ତି ।
