ଇଂରାଜୀ ମ୍ୟାଡମ ସାଜି ସ୍ବରା ଉଡାଇଲେ ହୋସ !

ରିଲିଜ ହୋଇଯାଇଛି ଚର୍ଚ୍ଚିତ ୱେବ ସିରିଜ ‘ରସଭରୀ’ର ଟ୍ରେଲର । ଦୁଇଟି ଭୂମିକାରେ ନଜର ଆସିଲେ ସ୍ବରା ଭାସ୍କର ।

ମୁମ୍ବାଇ: ସବୁବେଳେ ନିଜ ବିବାଦୀୟ ବୟାନ ପାଇଁ ଚର୍ଚ୍ଚାରେ ରହୁଥିବା ଫେମସ ଅଭିନେତ୍ରୀ ସ୍ବରା ଭାସ୍କର ଏଥର ଡିଜିଟାଲ ଦୁନିଆରେ ନିଜର ଜଲୱା ଦେଖାଇବେ । ଯାହାକୁ ନେଇ ଏକ୍ସାଇଟେଡ ତାଙ୍କ ଫ୍ୟାନ୍ସ । ଆଜ୍ଞା ହଁ, ଖୁବଶୀଘ୍ର ଆମାଜନ ପ୍ରାଇମ ଭିଡିଓରେ ଦେଖିବାକୁ ମିଳିବ ତାଙ୍କ ଅଭିନୀତ ୱେବ ସିରିଜ ‘ରସଭରୀ’ । ଯାହାର ଦମଦାର ଟ୍ରେଲର ରିଲିଜ ହୋଇଯାଇଛି । ସିରିଜରେ ସ୍ବରାଙ୍କ ଡବଲ ରୋଲ ସମସ୍ତଙ୍କ ହୋସ ଉଡାଇବ । ଗୋଟିଏ ପଟେ ସେ ଇଂରାଜୀ ମ୍ୟାଡମ ରୂପେ ନଜର ଆସିବା ସହ ଅନ୍ୟପଟେ ସେ ଜଣେ ରୂପଜୀବୀ ମହିଳା ଭୂମିକାରେ ଦେଖାଯିବେ ।

ନିଖିଲ ନାଗେଶ ଭଟ୍ଟଙ୍କ ନିର୍ଦ୍ଦେଶନାରେ ନିର୍ମିତ ‘ରସଭରୀ’ ସିରିଜ ଜଣେ ଟିନେଜ ପୁଅର । ଯିଏ ନିଜ ଇଂରାଜୀ ମ୍ୟାଡମଙ୍କୁ ହୃଦୟ ଦେଇ ବସିଥିବେ ।

2 ମିନିଟ 19 ସେକେଣ୍ଡ ଟ୍ରେଲରରେ କୌଣସି ବୋଲ୍ଡ ସିନ ଦେଖିବାକୁ ମିଳୁନାହିଁ । ହେଲେ କାହାଣୀ ଦେଖି ଜଣାପଡୁଛି କୌଣସି ନୋବେଲ କାହାଣୀ ଭଳି । ବର୍ତ୍ତମାନ ଟ୍ରେଲରକୁ କିଛି ଖାସ୍ ପ୍ରତିକ୍ରିୟା ମିଳିନାହିଁ । ସିରିଜ ରିଲିଜ ହେଲା ପରେ ଜଣାପଡିବ ଏହା ଦର୍ଶକଙ୍କ ମନ କିଣିବାରେ ସଫଳ ହୋଇଛି କି ନାହିଁ । ଦେଖନ୍ତୁ ଟ୍ରେଲର...

• " class="align-text-top noRightClick twitterSection" data="">