ମୁମ୍ବାଇ: ବଲିଉଡ ଅଭିନେତ୍ରୀ ସ୍ବରା ଭାସ୍କରଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ସେ ଖୁବଶୀଘ୍ର ଏକ ସଟ ଫିଲ୍ମ ‘ଦୋବାରା ଅଲବିଦା’ରେ ନଜର ଆସିବେ । ଆଉ ଏହାସହ ସେ ପୁଣିଥରେ ପପୁଲାର ସିଙ୍ଗର କ୍ରିଷ୍ଣାଙ୍କ ସହ କାମ କରିବାକୁ ଯାଉଛନ୍ତି ।
ଏହି ଯୋଡି ପୂର୍ବରୁ ଆନନ୍ଦ ଏଲ ରାୟଙ୍କ ହିଟ୍ ଫିଲ୍ମ ‘ତନୁ ୱେଡ୍ସ ମନୁ’ରେ କାମ କରିଥିଲେ । ଫିଲ୍ମରେ ସହ-ଅଭିନେତ୍ରୀ ଭୂମିକାରେ ସ୍ବରା ନଜର ଆସିଥିବା ବେଳେ ଫିଲ୍ମର ଲୋକପ୍ରିୟ ଗୀତ ‘ରଙ୍ଗରେଜ୍’ ଗାଇଥିଲେ କ୍ରିଷ୍ଣା ।
ପୁଣିଥରେ କ୍ରିଷ୍ଣାଙ୍କ ସହ କାମ କରିବାକୁ ନେଇ ସ୍ବରା କହିଛନ୍ତି, ‘ଏକ ଗୀତ ସବୁବେଳେ ପରଦାରେ ଦେଖିବାକୁ ମିଳୁଥିବା ଭିଜୁଆଲ ଗୁଡ଼ିକୁ ବଝାଇଥାଏ ଏବଂ ଦୋବାରା ଅଲବିଦା ପାଇଁ ଗୀତ ହେଉଛି ଏକ ସଂପୂର୍ଣ୍ଣ ମେଲୋଡି । ଯାହା ତୁରନ୍ତ ତୁମର ହୃଦୟସ୍ପର୍ଶ କରିବ । ତନୁ ୱେଡ୍ସ ମନୁ ପରେ କ୍ରିଷ୍ଣାଙ୍କ ସହ ଏକାଠି ପୁଣି କାମ କରିବାକୁ ନେଇ ମୁଁ ଖୁସି ଅଛି । ’
@IANS
