ମୁମ୍ବାଇ: ବି-ଟାଉନର ଜଣାଶୁଣା ଅଭିନେତ୍ରୀ ସ୍ବରା ଭାସ୍କର ଅଭିନୟ ବ୍ୟତୀତ ସୋସିଆଲ ମିଡିଆରେ ବେଶ୍ ସକ୍ରିୟ ରୁହନ୍ତି । ସେ ଦେଶର ସବୁ ପ୍ରସଙ୍ଗରେ ନିଜ ମତାମତ ଦେବାକୁ ଆଦୌ ଭୁଲନ୍ତି ନାହିଁ । ଏବେ ପୁଣିଥରେ ଅଭିନେତ୍ରୀ କେନ୍ଦ୍ର ସରକାରଙ୍କ ଉପରେ ଖପ୍ପା ନଜର ଆସୁଛନ୍ତି । ଆଉ ନିଜର ରାଗ ସେ ସୋସିଆଲ ମିଡିଆରେ ପ୍ରକାଶ କରି ଚର୍ଚ୍ଚାରେ ।
କଥାଟି ହେଲା ଯେ ସ୍ବରା ନିଜ ଇନଷ୍ଟାଗ୍ରାମ ଷ୍ଟୋରିରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହାତ ଯୋଡି ଠିଆ ହୋଇଥିବାର ନଜର ଆସୁଛନ୍ତି । ଆଉ ଫଟୋର କ୍ୟାପସନରେ ସେ ଲେଖିଛନ୍ତି, ‘ମନ୍ଦିରା ସେହିଠାରେ ନିର୍ମାଣ ହେଉଛି, ହସ୍ପିଟାଲ ପାଇଁ ବେଡ ମାଗି ଲଜ୍ଜିତ କରାନ୍ତୁ ନାହିଁ । ଧନ୍ୟବାଦ ।’
ସ୍ବରା ଦେଶର ଜଟିଳ ପରିସ୍ଥିତିକୁ ଦୃଷ୍ଟିରେ ରଖି ଏପରି ପ୍ରତିକ୍ରିୟା ଦେଇଛନ୍ତି । ପ୍ରକାଶ ଥାଉକି ନିକଟରେ ସ୍ବରାଙ୍କ ମା' କୋରୋନା ସଂକ୍ରମିତ ହୋଇଥିଲେ । ଯାହାର ସୂଚନା ଅଭିନେତ୍ରୀ ଟ୍ବିଟରରେ ଦେଇଥିଲେ ।
