ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁରେ ତାଙ୍କ ପରିବାର ସମ୍ପୂର୍ଣ୍ଣ ଭାଙ୍ଗି ପଡିଛି । ତାଙ୍କ ଦେହାନ୍ତ ହେବାର ଏକ ମାସରୁ ଅଧିକ ସମୟ ବିତିଗଲାଣି ।
- " class="align-text-top noRightClick twitterSection" data="
">
କିନ୍ତୁ, ଆଜି ବି ସୁଶାନ୍ତଙ୍କ ମୃତ୍ୟୁକୁ ଭୁଲିବା ସମସ୍ତଙ୍କ ପାଇଁ କଷ୍ଟକର ହୋଇପଡିଛି । କେହି ବିଶ୍ୱାସ କରିବାକୁ ସକ୍ଷମ ନୁହଁନ୍ତି ଯେ, ସୁଶାନ୍ତ ଆଉ ଆମ ସହିତ ନାହାଁନ୍ତି ।
ସୁଶାନ୍ତଙ୍କ ପ୍ରଂଶସକଙ୍କ ସହିତ ତାଙ୍କ ପରିବାର ଲୋକ ମଧ୍ୟ ତାଙ୍କୁ ବହୁତ ମନେପକାଉଛନ୍ତି ଏବଂ ସୋସିଆଲ ମିଡିଆ ମାଧ୍ୟମରେ ତାଙ୍କର ସ୍ମୃତିକୁ ସେୟାର କରୁଛନ୍ତି ।
ଏହି ସମୟରେ ସୁଶାନ୍ତଙ୍କ ଭଉଣୀ ଶ୍ୱେତା ସିଂ କିର୍ତ୍ତୀ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ତାଙ୍କ ପିତା ସୁଶାନ୍ତଙ୍କ ପୋଷା କୁକୁର ଫଜଙ୍କ ସହିତ ନଜର ଆସିଛନ୍ତି ।
ଫଟୋରେ କେ.କେ ସିଂ ଚେୟାରରେ ବସି ଫଜ୍ କୁ ଖାଇବାକୁ ଦେଉଛନ୍ତି । ଫଟୋ ସହିତ ଶ୍ୱେତା କ୍ୟାପସନରେ ଲେଖିଛନ୍ତି, 'ବାପାଙ୍କ ସହିତ ଫଜ' ।
ସୁଶାନ୍ତଙ୍କ ମୃତ୍ୟୁ ପରେ ତାଙ୍କର ପୋଷା କୁକୁର ଫଜ ବର୍ତ୍ତମାନ ତାଙ୍କ ପରିବାର ସହିତ ପାଟନାରେ ଅଛି । ବର୍ତ୍ତମାନ ସୁଶାନ୍ତଙ୍କ ପରିବାର ଲୋକ ଫଜର ଯତ୍ନ ନେଉଛନ୍ତି ।
ସୁଶାନ୍ତ ଆତ୍ମହତ୍ୟା ମାମଲାରେ ମୁମ୍ବାଇ ପୋଲିସ ତହନ୍ତ ଜାରି ରଖିଛି ।
ସୁଶାନ୍ତଙ୍କ ପ୍ରଶଂସକ ଏବଂ ବଲିଉଡର କିଛି ସେଲିବ୍ରିଟିମାନେ ମଧ୍ୟ ଏହି ଘଟଣାର ସିବିଆଇ ତଦନ୍ତ ଦାବି କରୁଛନ୍ତି ।
ପ୍ରକାଶ ଥାଉ କି, ଆଜି ସୁଶାନ୍ତଙ୍କ ଶେଷ ଚଳଚ୍ଚିତ୍ର 'ଦିଲ ବେଚାରା' ଓଟିଟି ପ୍ଲାଟଫର୍ମରେ ମୁକ୍ତିଲାଭ କରୁଛି । ମୁକେଶ ଛାବ୍ରାଙ୍କ ନିର୍ଦ୍ଦେଶିତ ଅଭିନେତ୍ରୀ ସଞ୍ଜନା ସାଙ୍ଗୀ ଏହି ଚଳଚ୍ଚିତ୍ରରେ ସୁଶାନ୍ତଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
