ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାରେ ମୁମ୍ବାଇ ପୋଲିସ କ୍ରମାଗତ ଭାବେ ତଦନ୍ତ ଚଳାଇଛି । ଏଯାବତ ତାଙ୍କ ସହ ସମ୍ପୃକ୍ତ ଥିବା 35 ଲୋକଙ୍କ ବୟାନ ରେକର୍ଡ କରିସାରିଲାଣି ପୋଲିସ । ସେହିପରି ଫେମସ ନିର୍ମାତା ଏବଂ ସୁଶାନ୍ତଙ୍କ ଭଲ ବନ୍ଧୁ ଶେଖର କପୁର ସୁଶାନ୍ତଙ୍କ ମାମଲାରେ ପୋଲିସକୁ ଇ-ମେଲ ଜରିଆରେ ନିଜ ବୟାନ ପଠାଇଛନ୍ତି । ସେ ବୟାନରେ କଣ କଣ କହିଛନ୍ତି ତାହା ନେଇ ଏଯାବତ କୌଣସି ଖୁଲାସା ହୋଇନାହିଁ ।
ପୋଲିସ ଶେଖରଙ୍କ ବୟାନ ରେକର୍ଡ କରିବା କାରଣ ହେଲା ଯେ ସେ ସୁଶାନ୍ତଙ୍କୁ ନିଜର ଏକ ଫିଲ୍ମ ‘ପାନି’ରେ ସାଇନ କରାଇଥିଲେ । ହେଲେ କିଛି ପ୍ରଡକ୍ସନ ହାଉସ ପାଇଁ ଏହି ଫିଲ୍ମର ସୁଟିଂ ହୋଇପାରନଥିଲା । ଯାହା ବିଷୟରେ ପୋଲିସ ସମ୍ପୂର୍ଣ୍ଣ କଥା ଜାଣିବାକୁ ଚାହୁଁଛି ।
ପ୍ରକାଶ ଥାଉକି ନିକଟରେ ଲୋକପ୍ରିୟ ନିର୍ମାତା ସଞ୍ଜୟ ଲୀଲା ଭଂସାଲୀଙ୍କ ବୟାନ ମଧ୍ୟ ରେକର୍ଡ କରିଥିଲା ପୋଲିସ । ଆଉ ପୂର୍ବରୁ ତାଙ୍କ କଥିତ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀଙ୍କ ବୟାନ ମଧ୍ୟ ରେକର୍ଡ କରିଥିଲା ପୋଲିସ ।
