ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବଲିଉଡରେ ପରିବାରବାଦ, ଗୋଷ୍ଠୀବାଦ ଅଭିଯୋଗ ଲାଗିଛି । ତାଙ୍କ ଆତ୍ମହତ୍ୟାରେ କ୍ରୋଧିତ ଥିବା କିଛି ଫ୍ୟାନ୍ସ ବଲିଉଡର ଫେମସ ସେଲିବ୍ରିଟିଙ୍କ ଫିଲ୍ମ ବ୍ୟାନ କରିବାକୁ ଦାବି ମଧ୍ୟ କରୁଛନ୍ତି । ଯାହାଦ୍ବାରା ଅନେକ ଷ୍ଟାର୍ସଙ୍କୁ ସୋସିଆଲ ମିଡିଆରେ ଟ୍ରୋଲ କରାଯାଉଛି । ଏହି ପରି ଶୁକ୍ରବାର ସକାଳେ ମଧ୍ୟ ଦେଖିବାକୁ ମିଳିଛି । ଟ୍ବିଟରରେ ‘ହିରୋ’ର ଅଭିନେତା ସୁରଜ ପଞ୍ଚୋଲୀ ଟପ ଟ୍ରେଣ୍ଡିଂ ଟ୍ରେଣ୍ଡ କରୁଛନ୍ତି । ଏକ ପୋଷ୍ଟକୁ ଆଧାର କରି ୟୁଜର୍ସ ତାଙ୍କୁ ଟ୍ରୋଲ କରିବାରେ ଲାଗିଛନ୍ତି ।
ବର୍ତ୍ତମାନ ତାଙ୍କୁ ନେଇ ଅନେକ ପୋଷ୍ଟ ଭାଇରାଲ ମଧ୍ୟ ହେଉଛି । ଯେଉଁଥିରେ ଦାବି କରାଯାଉଛି ସୁଶାନ୍ତଙ୍କ ଏକ୍ସ ମ୍ୟାନେଜର ଦିଶା ସାଲିୟାନ ଓ ସୁରଜ ରିଲେସନଶିପରେ ଥିଲେ । ଯାହା ବିଷୟରେ କେବଳ ସୁଶାନ୍ତଙ୍କୁ ଜଣା ଥିଲା ।
ଖାଲି ଏତିକି ନୁହେଁ ଦିଶା ଗର୍ଭବତୀ ମଧ୍ୟ ଥିଲେ । ହେଲେ ସୁରଜ ଏହି ସମ୍ପର୍କକୁ ଆଗକୁ ବଢାଇବାକୁ ଚାହୁଁନଥିଲେ । ସେହିପରି ସୁଶାନ୍ତ ଓ ଦିଶା ପରସ୍ପର ଭଲ ବନ୍ଧୁଥିଲେ । ଯେଉଁଥିପାଇଁ ସେ ସୁରଜଙ୍କ ସହ ଦିଶାଙ୍କ ବିଷୟରେ ଆଲୋଚନା କରିଥିଲେ । ଆଉ ଦୁଇଜଣଙ୍କ ମଧ୍ୟରେ ଖୁବ୍ ଝଗଡା ମଧ୍ୟ ହୋଇଥିଲା । ଏବେ ସୋସିଆଲ ମିଡିଆରେ ଏପରି ପୋଷ୍ଟକୁ ଆଧାର କରି ସୁଶାନ୍ତଙ୍କ ଫ୍ୟାନ୍ସ ସୁରଜଙ୍କୁ ଟ୍ରୋଲ କରୁଛନ୍ତି ।
