ମୁମ୍ବାଇ: ରୋମାନ୍ସ କିଙ୍ଗ ଶାହରୁଖ ଖାନଙ୍କ ଫ୍ୟାନ୍ସ ଦୀର୍ଘ ସମୟରୁ ତାଙ୍କ ଆଗାମୀ ଫିଲ୍ମ ନେଇ ଉତ୍ସାହିତ । ଆଉ କିଛି ଦିନ ପରେ ସେ ନିଜ ଅପକମିଂ ଫିଲ୍ମ ‘ପଠାନ’ର ସୁଟିଂ ଆରମ୍ଭ କରିବେ ବୋଲି ଚର୍ଚ୍ଚା । ଇତିମଧ୍ୟରେ ତାଙ୍କ ଫିଲ୍ମକୁ ନେଇ ଏକ ଗୁଡନ୍ୟୁଜ ସାମ୍ନାକୁ ଆସିଛି । ଶୁଣିବାକୁ ମିଳୁଛି ବଲିଉଡର ଦୁଇ ବଡ ଖାନ ଏକାଠି ପୁଣି ପରଦାରେ ନଜର ଆସିବେ।
ଆଜ୍ଞା ହଁ, ଶାହରୁଖଙ୍କ ଆଗାମୀ ଫିଲ୍ମରେ ଅତିଥି ଅଭିନେତା ରୂପେ ନଜର ଆସିବେ ସୁପରଷ୍ଟାର ସଲମାନ ଖାନ । ଏହି ନ୍ୟୁଜ ଉଭୟଙ୍କ ଫ୍ୟାନ୍ସଙ୍କୁ ଖୁସ୍ କରିଦେଇଛି । ସେହିପରି ‘ପଠାନ’ ଫିଲ୍ମରେ ହ୍ୟାଣ୍ଡସମ ଆକ୍ଟର ଜନ ଅବ୍ରାହମ ଖଳନାୟକ ଭୂମିକାରେ ନଜର ଆସିବାକୁ ଯାଉଥିବା ବେଳେ ଦୀପିକା ପାଦୁକୋନ ଶାହରୁଖଙ୍କ ସହ ରୋମାନ୍ସ କରିବେ।
ପ୍ରକାଶ ଥାଉକି ସଲମାନ ଶେଷଥର ଶାହରୁଖଙ୍କ ଫ୍ଲପ ଫିଲ୍ମ ‘ଜିରୋ’ରେ ନଜର ଆସିଥିଲେ । ସେହିପରି ଏହି ଯୋଡି ‘କୁଛକୁଛ ହୋତା ହେ’, ‘ଓମ ଶାନ୍ତି ଓମ’ରେ ମଧ୍ୟରେ ଏକାଠି କାମ କରିସାରିଛନ୍ତି ।
