ଶ୍ରୀନଗର: ସୁପରଷ୍ଟାର ଅକ୍ଷୟ କୁମାର ଉତ୍ତର କାଶ୍ମୀରର ବାନ୍ଦିପୋରା ଜିଲ୍ଲାର ଗୁରେଜ ଉପତ୍ୟକାର ନିୟନ୍ତ୍ରଣ ରେଖାରେ ଥିବା ସୁଦୂର ତୁଲାଇଲ ପରିଦର୍ଶନ କରିଥିଲେ । ଅଭିନେତା ଗୁରୁବାର ମଧ୍ୟାହ୍ନ ପ୍ରାୟ 12 ଟା ସମୟରେ ହେଲିକପ୍ଟର ଯୋଗେ ତୁଲାଇଲର ନେରୁ ଗ୍ରାମରେ ପହଞ୍ଚିଥିଲେ । ଆଉ ଏଠାରେ ଥିବା ଆର୍ମି ଏବଂ ବିଏସଏଫ ଯବାନଙ୍କ ସହ ସାକ୍ଷାତ ମଧ୍ୟ କରିଥିଲେ ।
ଏହା ବ୍ୟତୀତ ଅକ୍ଷୟ ଖୁବଶୀଘ୍ର ବ୍ୟାକ ଟୁ ବ୍ୟାକ ଫିଲ୍ମ ନେଇ ଫେରିବେ । ଏହି କ୍ରମରେ ସାମିଲ ଅଛନ୍ତି ‘ବଚ୍ଚନ ପାଣ୍ଡେ’, ‘ବେଲ ବଟମ୍’, ‘ଅତରଙ୍ଗୀ ରେ’, ‘ରକ୍ଷାବନ୍ଧନ’ ଭଳି ଫିଲ୍ମ ।
ସେହିପରି ନିକଟରେ ‘ବେଲ ବଟମ’ର ନୂଆ ରିଲିଜ ତାରିଖ ଘୋଷଣା କରିଥିଲେ ମେକର୍ସ । ଆସନ୍ତା 27 ଜୁଲାଇରେ ରିଲିଜ ହେବ ଫିଲ୍ମ । ଅକ୍ଷୟଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ବାନୀ କପୁର, ଲାରା ଦତ୍ତା ଓ ହୁମା କୁରୈଶୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
