ନୂଆଦିଲ୍ଲୀ: କୋରୋନାର ଦ୍ବିତୀୟ ଲହର ପୁଣି ଥରେ ସାରା ଦେଶରେ ଲୋକଙ୍କୁ ହଇରାଣ କରିବା ଆରମ୍ଭ କରିଦେଇଛି । ବଲିଉଡ ତାରକାଙ୍କ ସହ ଟିଭି ଇଣ୍ଡଷ୍ଟ୍ରିର ଅନେକ ତାରକା ମଧ୍ୟ ଏହି ମହାମାରୀର ଶିକାର ହୋଇଛନ୍ତି । ଆଗାମୀ ଦିନରେ କିଛି ତାରକା କୋରୋନାରେ ସଂକ୍ରମିତ ହୋଇଛନ୍ତି । ଏସବୁ ମଧ୍ୟରେ ଏବେ ୱେବ୍ ସିରିଜ୍ 'ପରମାନେଟ ରୁମମେଟସ୍' ଫେମ ସୁମିତ ଭାୟାସ କୋରୋନା ସଂକ୍ରମିତ ହୋଇଥିବା ଜଣାପଡିଛି । ସେ ନିଜେ ସୋସିଆଲ ମିଡିଆରେ ଏହି ବିଷୟରେ ସୂଚନା ଦେଇଛନ୍ତି।
- " class="align-text-top noRightClick twitterSection" data="
">
ସୁମିତ ଏକ ପୋଷ୍ଟ ସେୟାର କରି କହିଛନ୍ତି ଯେ, ହେଲୋ ମୋର କୋରୋନା ରିପୋର୍ଟ ପଜିଟିଭ୍ ଆସିଛି । ଏବଂ ମୁଁ ଏବେ କ୍ବାରେଣ୍ଟାଇନରେ ଅଛି । ବର୍ତ୍ତମାନ ମୁଁ ସମସ୍ତ ଆବଶ୍ୟକୀୟ ସତର୍କତା ଅବଲମ୍ବନ କରୁଛି ଏବଂ ଡାକ୍ତରଙ୍କ ଦ୍ବାରା ଦିଆଯାଇଥିବା ଔଷଧ ସେବନ କରୁଛି । ତଥାପି ମୁଁ ସମସ୍ତଙ୍କୁ କହିବାକୁ ଚାହେଁ ଯେ, ଯେଉଁମାନେ ଗତ କିଛି ଦିନ ମଧ୍ୟରେ ମୋ ସହିତ ଯୋଗାଯୋଗ କରିଛନ୍ତି, ସେମାନେ ମଧ୍ୟ ସେମାନଙ୍କର ଟେଷ୍ଟ କରିବା ଉଚିତ୍ । ସୁରକ୍ଷିତ ରୁହ ଏବଂ ଶୀଘ୍ର ଦେଖା ହେବ ।
ସୁମିତଙ୍କ ଏହି ପୋଷ୍ଟରେ, ତାଙ୍କର ବନ୍ଧୁ, ପ୍ରଶଂସକ ଏବଂ ଅନେକ ଟିଭି ଅଭିନେତା ତାଙ୍କୁ ଶୀଘ୍ର ସୁସ୍ଥ ହେବାର ବାର୍ତ୍ତା ଦେଇଛନ୍ତି ।
ପ୍ରକାଶ ଥାଉ ଯେ, ସୁମିତ'ଇଂଲିଶ ବିଙ୍ଗଲିଶ୍', 'ବୀରେ ଦି ୱେଡିଙ୍ଗ୍' ଏବଂ 'ମେଡ୍ ଇନ୍ ଚାଇନା' ଭଳି ଅନେକ ବଡ଼ ଚଳଚ୍ଚିତ୍ରରେ କାମ କରିଛନ୍ତି ।
