ହାଇଦ୍ରାବାଦ: ସାଂଘାଇ ଫିଲ୍ମ ଫେଷ୍ଟିଭାଲରେ ପ୍ରତିଯୋଗିତା କରିବ ହିନ୍ଦି ଫିଲ୍ମ ‘ସୁଇ ଧାଗା’ । ପ୍ରଥମେ ତାମିଲ ଫିଲ୍ମ ‘ମହାନତି’କୁ ଚୟନ ପରେ ହିନ୍ଦି ଫିଲ୍ମ ଭିତରୁ ‘ସୁଇ ଧାଗା’କୁ ଚୟନ କରାଯାଇଛି । ଏହାର ସୂଚନା ଦେଇଛନ୍ତି ସୁଇ ଧାଗାର ଅଭିନେତା ବରୁଣ ଧୱନ ।
ଫିଲ୍ମର କାହାଣୀ ଦୃଢ ମନବଳ ଓ ଇଚ୍ଛାଶକ୍ତି ଉପରେ ଆଧାରିତ । ମମତା ଓ ମୌଜି ନିଜର କପଡା ବିଜନେସ ଆରମ୍ଭ କରିବାକୁ ଚାହୁଁଥିବେ ଏହାସହ ନିଜ କପଡାରେ ‘ମେଡ ଇନ ଇଣ୍ଡିଆ’ଟ୍ୟାଗ ଲଗେଇବାକୁ ମଧ୍ୟ ଚାହୁଁଥିବେ । ଅନେକ ବାଧା ସତ୍ତ୍ବେ ଦୁହେଁ ନିଜର ବ୍ୟବସାୟ ଆରମ୍ଭ କରିବେ ।
ଫିଲ୍ମରେ ମୁଖ୍ୟତଃ ଯୁବପିଢିଙ୍କ ମନୋବଳକୁ ଦୃଢ କରିବାକୁ ପ୍ରେରଣା ଦିଏ । ଫିଲ୍ମକୁ ଉଭୟ ଦର୍ଶକ ଓ ସମୀକ୍ଷକ ଖୁବ ପସନ୍ଦ କରିଥିଲେ । ଫିଲ୍ମଟି ଗତବର୍ଷ ସେପ୍ଟେମ୍ବରରେ ରିଲିଜ ହୋଇଥିଲା ।
ସେହିପରି ତାମିଲ ଫିଲ୍ମ ‘ମହାନତି’ ଭାରତୀୟ ସିନେମାର କିମ୍ବଦନ୍ତୀ ନାୟିକା ସାବିତ୍ରୀ ମାଙ୍କ ଉପରେ ଆଧାରିତ । ପ୍ରଥମ ଭାରତୀୟ ଅଭିନେତ୍ରୀ ଯିଏ 300ରୁ ଅଧିକ ଫିଲ୍ମରେ କାମ କରିଥିଲେ । ସାଂଘାଇ ଫିଲ୍ମ ଫେଷ୍ଟିଭାଲ ଗତ ଶନିବାର(15 ଜୁନ)ରୁ ଆରମ୍ଭ ହୋଇଛି ।
