ମୁମ୍ବାଇ: ଘୁଞ୍ଚିଛି ବହୁପ୍ରତିକ୍ଷିତ ଫିଲ୍ମ ‘ଟ୍ରିପଲ ଆର’ର ରିଲିଜ ତାରିଖ । ଫିଲ୍ମକୁ ଆଗାମୀ ସୂଚନା ଯାଁଏ ଘୁଞ୍ଚା ଯାଇଥିବା ଜଣାପଡିଛି । ପ୍ରଥମଥର ପାଇଁ ଏହି ପିଲ୍ମ ମାଧ୍ୟମରେ ବି-ଟାଉନର ସିଂଘମ ଅଜୟ ଦେବଗନ ଓ କ୍ୟୁଟ ଆଲିୟା ସାଉଥ ଇଣ୍ଡଷ୍ଟ୍ରିରେ ପଦାର୍ପଣ କରିଥିବାବେଳେ ପ୍ରଥମେ ଫିଲ୍ମକୁ ଜୁଲାଇ 2020ରେ ରିଲିଜ ହେବା ନେଇ ଘୋଷଣା କରାଯାଇଥିଲା ।
ଏନେଇ ‘ଟ୍ରିପଲ ଆର’ ଟିମଙ୍କ ସୂଚନା ଅନୁସାରେ, ଏହା ସମ୍ଭବତ ଅକ୍ଟୋବର ମାସକୁ ଘୁଞ୍ଚା ଯାଇଛି । ଏହି ଫିଲ୍ମ 10 ଟି ଭାଷାରେ ରିଲିଜ ହେବାକୁ ଥିବାବେଳେ ଏହାକୁ ‘ବାହୁବଳୀ’ ଫେମ ନିର୍ଦ୍ଦେଶକ ଏସ.ଏସ ରାଜମୌଲୀ ନିର୍ମାଣ କରିଛନ୍ତି । ଏହି ଫିଲ୍ମରେ ଅଜୟ ଓ ଆଲିଆଙ୍କ ବ୍ୟତୀତ ଜୁନିୟର ଏନଟିଆର, ରାମ ଚରଣ ମଧ୍ୟ ନଜର ଆସିବେ । ରାଜମୌଲୀଙ୍କ ଏହି ଚର୍ଚ୍ଚିତ ଫିଲ୍ମ ‘ଟ୍ରିପଲ ଆର’ ରେ 1920 ଶତାଦ୍ଦୀର ପୃଷ୍ଠଭୂମିକୁ ନେଇ ଏହି ଫିଲ୍ମ ଆଧାରିତ । ତେବେ ଏହି ଖବର ପାଇବା ପରେ ଦର୍ଶକ ନିରାଶ ହୋଇଛନ୍ତି ।
