ହାଇଦ୍ରାବାଦ: ଦମଦାର ଫିଲ୍ମ ଦେଉଥିବା ‘ବାହୁବଳୀ’ ଫେମ ପ୍ରଭାସ ମହଙ୍ଗା ଗାଡିର ସୌଖୀନ ବୋଲି ତାଙ୍କ ଫ୍ୟାନ୍ସଙ୍କୁ ଜଣା । ସେ ପ୍ରାୟତଃ ନିଜ ଗାଡି କେଲକ୍ସନରେ ନୂଆ ନୂଆ ବାଇକ୍, କାର ସାମିଲ କରୁଥିବାର ନଜର ଆସନ୍ତି । ଏଥର ମଧ୍ୟ ଏମିତି କିଛି ଦେଖିବାକୁ ମିଳିଛି । ସେ ନିଜ କାର କଲେକ୍ସନରେ ସାମିଲ କରିଛନ୍ତି ମହଙ୍ଗା କାର । ଯାହାକୁ ନେଇ ଚର୍ଚ୍ଚା । ଏଥର ସେ କିଣିଛନ୍ତି ଲାମ୍ବୋର୍ଗିନି ଆଭେଣ୍ଟାଡୋର ଏସ୍ ରୋଡଷ୍ଟାର୍ । ଯାହାର ମୂଲ୍ୟ 6 କୋଟି ଟଙ୍କା ।
ଏହି ମହଙ୍ଗା କାରରେ ପ୍ରଭାସଙ୍କ ଡ୍ରାଇଭ୍ ଭିଡିଓ ଓ ଫଟୋ ବର୍ତ୍ତମାନ ସୋସିଆଲ ମିଡିଆରେ ଘୁରିବୁଲୁଛି । ଯଦି ତାଙ୍କ କାର ବିଷୟରେ କଥା ହେବା ତେବେ ଅଭିନେତାଙ୍କ ପାଖରେ ପୂର୍ବରୁ ବିଏମଡବ୍ଲୁ 520ଡି, ଇନୋଭା ଖ୍ରୀଷ୍ଟା, ଜାଗୁଆର ଏକ୍ସଜେଏଲ ଏବଂ ରେଞ୍ଜ ରୋଭର ଭୋଗ ଭଳି କାର୍ ଅଛି । ପ୍ରଭାସଙ୍କ ସର୍ବଶେଷ ମୂଲ୍ୟବାନ ସମ୍ପତ୍ତିରେ ସ୍ପୋର୍ଟସ୍ କାର ମଧ୍ୟ ସାମିଲ।
- " class="align-text-top noRightClick twitterSection" data="
">
ଯେହେତୁ ଭାରତୀୟ ସେଲିବ୍ରେଟଙ୍କ ମଧ୍ୟରେ ଲାମ୍ବୋର୍ଗିନି ଅନ୍ୟତମ ମୂଲ୍ୟବାନ କାର, ତେଣୁ ପ୍ରଭାସଙ୍କ ଫ୍ୟାନ୍ସ ଶାନ୍ତ ରହିପାରିଲେ ନାହିଁ ଏବଂ ଟ୍ବିଟରରେ ‘ପ୍ରଭାସ’ ସହ ‘ଲମ୍ବୋର୍ଗିନି’ ଟ୍ରେଣ୍ଡ କରିବା ଆରମ୍ଭ କରିଦେଇଛନ୍ତି ।
ପ୍ରକାଶ ଥାଉକି ପ୍ରଭାସ ବର୍ତ୍ତମାନ ଓମ୍ ରାଉତଙ୍କ ବହୁ ପ୍ରତିକ୍ଷିତ ଫିଲ୍ମ ‘ଆଦିପୁରୁଷ’ରେ ବ୍ୟସ୍ତ ଅଛନ୍ତି । ଏହାବ୍ୟତୀତ ସେ ପୂଜା ହେଗଡେଙ୍କ ସହ ରୋମାଣ୍ଟିକ ଡ୍ରାମା ଫିଲ୍ମ ‘ରାଧେଶ୍ୟାମ’ରେ ମଧ୍ୟ ନଜର ଆସିବେ । ଯାହା ଜୁଲାଇ 30ରେ ତେଲୁଗୁ, ତାମିଲ, ହିନ୍ଦୀ, କନ୍ନଡ ଏବଂ ମାଲାୟାଲମରେ ରିଲିଜ ହେବାକୁ ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
