ହାଇଦ୍ରାବାଦ: ସାଉଥ ସୁପରଷ୍ଟାର ତଥା ରଜନେତା ଚିରଞ୍ଜୀବି ଫ୍ୟାନ୍ସଙ୍କ ପାଇଁ ସାମ୍ନାକୁ ଆସିଲା ନୈରାଶ୍ୟଜନକ ଖବର । ଦୀର୍ଘ ସମୟରୁ ନିଜକୁ ସୁରକ୍ଷିତ ରଖି ଆସୁଥିବା ଚିରଞ୍ଜୀବି ବର୍ତ୍ତମାନ କୋରୋନା ସଂକ୍ରମିତ ହୋଇଛନ୍ତି । ଏହାର ସୂଚନା ସେ ଫ୍ୟାନ୍ସଙ୍କୁ ସୋସିଆଲ ମିଡିଆରେ ଦେଇଛନ୍ତି ।
ଆଉ ଟ୍ବିଟରେ ଲେଖିଛନ୍ତି, ‘ପ୍ରୋଟୋକଲ୍ ଅନୁଯାୟୀ ଆଚାର୍ଯ୍ୟ ସୁଟ ଆରମ୍ଭ କରିବା ପୂର୍ବରୁ ମୁଁ କୋରୋନା ଟେଷ୍ଟ କରିଥିଲେ । ଦୁର୍ଭାଗ୍ୟବଶତଃ ରିପୋର୍ଟ ପଜିଟିଭ ଆସିଛି । ମୋ ଦେହରେ କୋରୋନାର କୌଣସି ଲକ୍ଷଣ ଦେଖାଯାଇନାହିଁ । ପଜିଟିଭ ଆସିଥିବାରୁ ନିଜକୁ ବର୍ତ୍ତମାନ ଘରେ କ୍ବାରେଣ୍ଟାଇନ କରିଛି । ଅନୁରୋଧ କରୁଛି ଯେ ଗତ 5 ଦିନରେ ଯେଉଁମାନେ ମୋତେ ଭେଟିଥିଲେ ସେମାନେ ମଧ୍ୟ ନିଜ ନିଜର କୋଭିଡ ଟେଷ୍ଟ କରାଇନିଅନ୍ତୁ । ମୋ ସୁସ୍ଥ ହେବା ଅପଡେଟ ଆପଣଙ୍କୁ ଦେବି ।’
ପ୍ରକାଶ ଥାଉକି ଚିରଞ୍ଜୀବିଙ୍କ ପୂର୍ବରୁ ଅନେକ ସେଲିବ୍ରିଟି ମଧ୍ୟ କୋରୋନା ପଜିଟିଭ ଆସିସାରିଛନ୍ତି । ଏହି କ୍ରମରେ ସାମିଲ ଅଛନ୍ତି ଅମିତାଭ ବଚ୍ଚନ, ଅଭିଷେକ ବଚ୍ଚନ, ଅନୁପମ ଖେର ଭଳି କଳାକାର ।
ବ୍ୟୁରୋ ରିପୋର୍ଟ, ଇଟିଭି ଭାରତ
