ନୂଆଦିଲ୍ଲୀ : କୋରୋନା କାଳରେ ଅଭାବୀ ଲୋକଙ୍କ ସେବାରେ ନିଜକୁ ନିୟୋଜିତ କରି ସମସ୍ତଙ୍କ ଦେବଦୂତ ସାଜିଛନ୍ତି ଲୋକପ୍ରିୟ ଅଭିନେତା ସୋନୁ ସୁଦ । ଗରିବ ଓ ଅସହାୟ ଲୋକଙ୍କ ପାଇଁ ଦେବଦୂତ ପାଲଟିଥିବା ସୋନୁ ଲଗାତାର ଭାବେ ଆବଶ୍ୟକୀୟ ଲୋକଙ୍କୁ ସାହାଯ୍ୟ କରିଆସୁଛନ୍ତି । ଗତ ବର୍ଷରୁ ଲୋକଙ୍କ ସେବାରେ ନିରନ୍ତର ଲାଗିଛନ୍ତି ସେ । ସୋସିଆଲ ମିଡିଆରେ ଅଭାବୀ ଲୋକଙ୍କ ଦୁଃଖ ଦେଖି ସଙ୍ଗେ ସଙ୍ଗେ ନିଜ ଟିମ ସହ ପହଞ୍ଚିଯାଉଛନ୍ତି ସାହାଯ୍ୟ ଓ ସହଯୋଗ କରିବା ପାଇଁ । ଗତ ବର୍ଷରୁ ଆରମ୍ଭ କରିଥିବା ଏହି ମହାନ କାମ ସେ ଏଯାବତ ଜାରି ରଖିଛନ୍ତି । ତାଙ୍କ ଏହି ସହଯୋଗ ପାଇଁ ତାଙ୍କୁ ଭଗବାନଙ୍କ ସହ ତୁଳନା କରୁଛନ୍ତି ସମସ୍ତେ ।
ତେବେ ସୋସିଆଲ ମିଡିଆରେ ସର୍ବଦା ଆକ୍ଟିଭ ରହୁଥିବା ସୋନୁ ପ୍ରାୟତଃ ଫନି ଭିଡିଓ ସେୟାର କରିବା ସହ ସଚେତନତାର ବାର୍ତ୍ତା ମଧ୍ୟ ଦେଇଥାନ୍ତି ।
- " class="align-text-top noRightClick twitterSection" data="
">
ଏବେ ସୋସିଆଲ ମିଡିଆରେ ସୋନୁଙ୍କ ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଏକ ସାଇକେଲରେ ବ୍ରେଡ୍ ଏବଂ ଅଣ୍ଡା ବିକ୍ରି କରୁଥିବାର ଦେଖିବାକୁ ମିଳିଛି ।
ଭିଡିଓକୁ ଦେଖିଲେ ଲାଗୁଛି ଯେ ସୋନୁ ଅଣ୍ଡା, ବ୍ରେଡ୍ ବ୍ୟବସାୟ ଆରମ୍ଭ କରିଛନ୍ତି । ସେ ଏହାର ନାମ ଦେଇଛନ୍ତି ‘ସୋନୁ ସୁଦକି ସୁପରମାର୍କେଟ୍’ ।
ସୋନୁ ଏହି ଭିଡିଓଟିକୁ ନିଜ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି । ଭିଡିଓର କ୍ୟାପସନରେ ସେ ଲେଖିଛନ୍ତି, ମାଗଣା ହୋମ ଡେଲିଭରୀ, 10ଟି ଅଣ୍ତାରେ ଗୋଟିଏ ବ୍ରେଡ ମାଗଣା । ସୋନୁଙ୍କର ସୁପରମାର୍କେଟରେ ଗୋଟିଏ ଅଣ୍ଡାର ଦାମ ୬ ଟଙ୍କା, ବଡ ସାଇଜର୍ ବ୍ରେଡ୍ ର ଦାମ ୪୦ ଟଙ୍କା । ଆଉ ହୋମ ଡେଲିଭରି ପାଇଁ ଏକ୍ସଟ୍ରା ଚାର୍ଜ ଲାଗିବ ବୋଲି ଉକ୍ତ ଭିଡିଓରେ ସୋନୁ କହିଛନ୍ତି ।
ପ୍ରକାଶ ଥାଉ ଯେ, ଏବେ ସୋନୁଙ୍କର ଏହି ଭିଡିଓକୁ ଫ୍ୟାନ୍ସମାନେ ଖୁବ ପସନ୍ଦ କରୁଛନ୍ତି ।
