ମୁମ୍ବାଇ: ଲକଡାଉନ ପାଇଁ ଲୋକପ୍ରିୟ ଗାୟକ ସୋନୁ ନିଗମ ଦୁବାଇରେ ଫସିଛନ୍ତି । ଆଉ ସେଠାରୁ ଭର୍ଚୁଆଲ କନସର୍ଟ୍ସ କରୁଛନ୍ତି । ବର୍ତ୍ତମାନ ଲକଡାଉନ ପାଇଁ ସୋନୁ ଭାରତ ଫେରି ପାରୁନାହଁନ୍ତି । ଏହି କଥାର ସୂଚନା ସେ ସୋସିଆଲ ମିଡିଆରେ ନିକଟରେ ଦେଇଥିଲେ । ହେଲେ ସେ ଦୁବାଇରେ ରହିବାକୁ ନେଇ ସୋସିଆଲ ମିଡିଆରେ ଗିରଫ ଦାବି କରାଯାଉଛି । ତାଙ୍କ ତିନି ବର୍ଷ ପୁରୁଣା ଅଜାନ ଉପରେ ଦେଇଥିବା ଏକ ଟ୍ବିଟକୁ ନେଇ ବିବାଦ ପୁଣି ସୃଷ୍ଟି ହୋଇଛି ।
ସୋନୁଙ୍କ ସେହି ଟ୍ବିଟକୁ ଆଧାର କରି ଅନେକ ସୋସିଆଲ ମିଡିଆ ୟୁଜର୍ସ ଦୁବାଇ ପୋଲିସ ପାଖରେ ତାଙ୍କୁ ଗିରଫ କରିବାକୁ ଦାବି କରିଛନ୍ତି । କିଛି ଦିନ ହେବ ସୋନୁଙ୍କ ଦ୍ବାରା 3 ବର୍ଷ ପୂର୍ବେ ଅଜନାକୁ ନେଇ ଦିଆଯାଇଥିବା ଟ୍ବିଟର ସ୍କ୍ରିନସଟ ବାରମ୍ବାର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସେହିପରି ଭାରତରେ ମଧ୍ୟ ସୋନୁଙ୍କ ଏହି ବୟାନର ଖୁବ୍ ସମାଲୋଚନା ହୋଇଥିଲା । ଏବେ ୟୁଜର୍ସ କହିଛନ୍ତି ଯେ ସୋନୁ ବର୍ତ୍ତମାନ ଦୁବାଇରେ ଥିବାରୁ ଦୁବାଇ ପୋଲିସ ଦ୍ବାରା ଏହି ମାମଲାର ସମାଧାନ ହେବା ଦରକାର ।
ପ୍ରକାଶ ଥାଉକି ସୋନୁ ଦେଇଥିବା ବିବାଦୀୟ ଟ୍ବିଟ ଉପରେ ବିବାଦ ହେବା ପରେ ସେ ଏହାକୁ ଡିଲିଟ କରିଦେଇଥିଲେ । ହେଲେ ଦୁବାଇ ୟୁଜର୍ସ ଏହାକୁ ପୁଣି ସୋସିଆଲ ମିଡିଆରେ ଭାଇରାଲ କରାଇବାରେ ଲାଗିଛନ୍ତି ।
