ମୁମ୍ବାଇ: ସୋନାକ୍ଷୀ ବଲିଉଡର ସବୁଠାରୁ ଲୋକପ୍ରିୟ ଅଭିନେତ୍ରୀ । ମାତ୍ର ଏହା ମଧ୍ୟ ସତ ଯେ, ସବୁଠାରୁ ଅଧିକ ଟ୍ରୋଲ ହେଉଥିବା ଅଭିନେତ୍ରୀଙ୍କ ମଧ୍ୟରୁ ସବୁଠାରୁ ଆଗରେ ସୋନାକ୍ଷୀ । କେତେବେଳେ ନିଜ ଶରୀରକୁ ନେଇ ତ କେତେବେଳେ ନିଜ ସାଧାରଣଜ୍ଞାନକୁ ନେଇ । ଅନେକ ସମୟରେ ଟ୍ବିଟରରେ ତାଙ୍କୁ ଟ୍ରୋଲ କରାଯାଇଥାଏ । ଆଉ ନିକଟରେ ସେ ନିଜର ଅପକମିଙ୍ଗ ଫିଲ୍ମ ଦବଙ୍ଗ 3 ପାଇଁ ଚର୍ଚ୍ଚାରେ ଅଛନ୍ତି । ଏହି ଫିଲ୍ମରେ ସେ ସଲମାନଙ୍କ ଅପୋଜିଟରେ ନଜର ଆସିବେ ।
ନିକଟରେ ସେ ଏକ ଇଣ୍ଟରଭ୍ୟୁରେ ୟୁର୍ଜସଙ୍କ ଦ୍ବାରା ଦିଆଯାଇଥିବା କମେଣ୍ଟ ପଢିଥିଲେ । ସେହି ମଧ୍ୟରେ ଜଣେ ୟୁର୍ଜସ ତାଙ୍କୁ ସଲମାନଙ୍କ ସବୁଠାରୁ ବଡ ଚାମଚି ବୋଲି କହିଥିଲେ । ଏହି କମେଣ୍ଟରେ ସୋନାକ୍ଷୀ ଜବରଦସ୍ତ ପ୍ରତିକ୍ରିୟା ରଖିଥିଲେ ।
ସୋନାକ୍ଷୀ ଟ୍ରୋଲର୍ସଙ୍କୁ ଜବାବ ଦେବା ସହ ଲେଖିଥିଲେ, ହଉ ଠିକ୍ ଅଛି । ସେ ମୋତେ ମୋର ପ୍ରଥମ ଫିଲ୍ମ ଦେଇଛନ୍ତି । ମୁଁ ତାଙ୍କ ଚାମଚି । କଣ କରିପାରିବେ ଆପଣ । ଏଠାରେ ଆପଣଙ୍କୁ କହିରଖୁଛୁ ଯେ, ସଲମାନଙ୍କ ଫିଲ୍ମ ଦବଙ୍ଗରେ ଡେବ୍ୟୁ କରିଥିଲେ ସୋନାକ୍ଷୀ ।
