ମୁମ୍ବାଇ: ବର୍ତ୍ତମାନ ନିଜର ଅନେକ ପ୍ରୋଜେକ୍ଟକୁ ନେଇ ଖୁବ ବ୍ୟସ୍ତ ତାପସୀ । ମଙ୍ଗଳବାର ସେ ନିଜର ଅପକମିଂ ଫିଲ୍ମ ‘ଲୁପ୍ ଲପେଟା’ର ସୁଟିଂ ଆରମ୍ଭ କରି ସୂଚନା ଫ୍ୟାନ୍ସଙ୍କୁ ଦେଇଥିଲେ । ଆଉ ‘ରଶ୍ମୀ ରକେଟ’ର ପ୍ରଥମ ସିଡ୍ୟୁଲ ସୁଟିଂ ସେ ଶେଷ ମଧ୍ୟ କରିଛନ୍ତି । ହେଲେ ନିଜ କାମକୁ ନେଇ ବ୍ୟସ୍ତ ଥିବା ତାପସୀଙ୍କୁ ଦେବାକୁ ପଡିଛୁ ଟ୍ରୋଲର୍ସଙ୍କୁ ଜବାବ । କାରଣ ତାଙ୍କୁ ଫାଲତୁ ହିରୋଇନ କହି ଟ୍ରୋଲ କରିଛନ୍ତି ଜଣେ ୟୁଜର । ତାପସୀ ମଧ୍ୟ କେଉଁ ଛାଡିବା ଝିଅ । ସେ ବି ଦେଇଛନ୍ତି କଡା ଜବାବ ।
କଥାଟି ହେଲା ଯେ ତାପସୀଙ୍କୁ କମେଣ୍ଟ କରି ସେହି ୟୁଜର ଲେଖିଥିଲେ, ‘ତୁମେମାନେ ଯେଉଁ ଥାଳିରେ ଖାଉଛ ସେହି ଥାଳିକୁ ଗୋଇଠା ମାରୁଛ । ଫାଲତୁ ହିରୋଇନ । ତୁମଙ୍କୁ ଅଭିନୟ ଆସେନି ସେଥିରେ ପୁଣି ଉଠେଇ ଉଠେଇ ଫିଲ୍ମ କରୁଛ ।’
ସେପଟେ ତାପସୀ ଏହାର ଏକ ସ୍କ୍ରିନସଟ ସେୟାର କରି ଜବାବ ଦେଇଥିଲେ, ‘ପ୍ରକୃତରେ କଣ ଉଠେଇ ଉଠେଇ । ହଁ ମୁଁ ମୋର ଷ୍ଟାଣ୍ଡାର୍ଡ ଉଠାଇଛି । ହେଲେ ତମେ ବୁଝିପାରିବ ନାହିଁ ।’
ଏହାବ୍ୟତୀତ ଯଦି ତାଙ୍କ ଫିଲ୍ମ ବିଷୟରେ କଥା ହେବା ତାହାଲେ ସେ ବ୍ୟାକ ଟୁ ବ୍ୟାକ ଫିଲ୍ମ ନେଇ ପରଦାରେ ନଜର ଆସିବେ । ଏହି କ୍ରମରେ ସାମିଲ ଅଛି ‘ହସୀନ ଦିଲରୁବା’, ‘ରଶ୍ମି ରକେଟ’, ‘ଲୁପ୍ ଲପେଟା’ ଓ ‘ସାବାସ୍ ମିଠୁ’ ।
