ମୁମ୍ବାଇ: ନିଜ 44ତମ ଜନ୍ମଦିନ ପାଳନ କରିଛନ୍ତି ଟିଭି ଓ ଫିଲ୍ମ ପ୍ରଯୋଜିକା ଏକତା କପୁର । ଏହି ଅବସରରେ ଏକତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ଅନେକ ସେଲିବ୍ରିଟିଜ । ଏହି କ୍ରମରେ ସାମିଲ ଅଛନ୍ତି ମହିଳା, ଶିଶୁ କଲ୍ୟାଣ ମନ୍ତ୍ରୀ ସ୍ମୃତି ଇରାନୀ । ସେ ନିଜ ବନ୍ଧୁ ଏକତାଙ୍କୁ ଖାସ ଅନ୍ଦାଜରେ ବର୍ଥଡେ ୱିଶ କରିଛନ୍ତି । ସେ ଇନଷ୍ଟାଗ୍ରାମରେ ଏକତାଙ୍କ ଏକ ଫଟୋ ସେୟାର କରି ବର୍ଥଡେ ୱିଶ କରିଛନ୍ତି ।
- " class="align-text-top noRightClick twitterSection" data="
">
ଫଟୋରେ ଏକତା ଓ ତାଙ୍କ ଭାଇ ତଥା ଅଭିନେତା ତୁଷାର କପୁରଙ୍କ ପୁଅ ଲକ୍ଷ୍ୟ କପୁର ଏକାଠି ନଜର ଆସୁଛନ୍ତି । ଫଟୋ ସେୟାର କରି ସ୍ମୃତି ଏକ ଭାବୁକ ଭରା କ୍ୟାପସନ ମଧ୍ୟ ଲେଖିଛନ୍ତି । ଯାହା ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି ।
ସେ କ୍ୟାପସନରେ ଲେଖିଛନ୍ତି, "ଆପଣ ନିଜ ହସ ଦ୍ବାରା ଆମ ଜୀବନକୁ ଆଲୋକିତ କରିଛ । ଆପଣଙ୍କ ସମର୍ଥନରେ ଆମ ସଂକଳ୍ପକୁ ସାହାସ ମିଳୁଛି । ତେବେ ଭବିଷ୍ୟତରେ କୌଣସି ଲଢେଇ ହେଉ, ଆପଣଙ୍କ ବିଶ୍ବାସ ଅଛି କି ସମୟ ସବୁ ଯନ୍ତ୍ରଣାକୁ ହ୍ରାସ କରିଦିଏ ଏବଂ ନ୍ୟାୟ କରିବାରେ ମୋ ସାହାଯ୍ୟ କରିବ । ଇରାନୀ ପରିବାରରେ ଆପଣଙ୍କ ବିଷୟରେ କହିବାର ଅନେକ ଉପାୟ ଅଛି, କିନ୍ତୁ ତା ପାଇଁ ପର୍ଯ୍ୟାପ୍ତ ଶବ୍ଦ ନାହିଁ । ହାପ୍ପି ବର୍ଥଡେ ଏକତା କପୁର । ରକଷ୍ଟାର ମାସି, ଆଙ୍କର, ବନ୍ଧୁ " ।
ସ୍ମୃତି ଏହା ମଧ୍ୟ ଫ୍ୟାନ୍ସଙ୍କୁ ଜଣାଇଛନ୍ତି କି, ଏକତା କଠିନ ସମୟରେ ତାଙ୍କୁ ସାହାଯ୍ୟ କରିଥିଲେ । ତେଣୁ ତାଙ୍କ ପୁରା ପରିବାର ଏକତାଙ୍କ ପ୍ରଶଂସକ । ଜଣାଇ ଦେଉଛୁ ଯେ ଏକତାଙ୍କ ପପୁଲାର ଧାରାବାହିକ ' କ୍ୟୁଂ କି ଶାଶ୍ ଭି କଭି ବୋହୂ ଥି' ଜରିଆରେ ଅଭିନୟ କ୍ୟାରିୟର ଆରମ୍ଭ କରିଥିଲେ ସ୍ମୃତି । ଯାହାଦ୍ବାରା ସେ ଘରେ ଘରେ ଲୋକପ୍ରିୟ ହୋଇପାରିଥିଲେ ।
