ମୁମ୍ବାଇ: ସୁପରଷ୍ଟାର ସଲମାନ ଖାନ ଆସନ୍ତା ମାସ 27 ତାରିଖରେ ନିଜର 54ତମ ଜନ୍ମଦିନ ପାଳନ କରିବେ । ଇତିମଧ୍ୟରେ ତାଙ୍କ ଜନ୍ମଦିନକୁ ନେଇ ସାମ୍ନାକୁ ଆସିଛି ବଡ ଖବର । ତାଙ୍କ ସାନ ଭଉଣୀ ଏବଂ ଖାନ ପରିବାର ଲାଡଲୀ ବେଟି ଅର୍ପିତା ଖାନ ନିଜ ଭାଇଜାନଙ୍କୁ ଜନ୍ମଦିନ ଅବସରରେ ଏକ ଶାନଦାର ସରପ୍ରାଇଜ ଦେବାକୁ ଯାଉଛନ୍ତି । ଏବେ ଶୁଣିବାକୁ ମିଳୁଛି ଯେ ଯଦି ସବୁ କିଠି ଠିକ୍ ରହିଲା ତେବେ ସଲମାନଙ୍କ ବର୍ଥଡେରେ ଅର୍ପିତା ଦ୍ବିତୀୟ ସନ୍ତାନକୁ ଜନ୍ମ ଦେବେ । ଆଜ୍ଞା ହଁ ସେ ଭାଇ ସଲମାନଙ୍କୁ ଦ୍ବିତୀୟଥର ମାମୁଁ ହେବାର ସରପ୍ରାଇଜ ଦେବାକୁ ଯାଉଛନ୍ତି ।
ଏଯାବତ ଅର୍ପିତା ତାଙ୍କ ସ୍ବାମୀ, ଅଭିନେତା ଆୟୁଷ ଶର୍ମାଙ୍କ ତରଫରୁ ଏହାକୁ ନେଇ କୌଣସି ଅଧିକାରୀକ ଘୋଷଣା ହୋଇନାହିଁ। କିନ୍ତୁ ଦୁଇଜଣ ମିଶି ଏହି ପ୍ଲାନ କରିଛନ୍ତି ଯେ ଡିସେମ୍ବର 27ରେ ସି-ସେକ୍ସନ ଡେଲିଭରୀ କରି ସଲମାନଙ୍କୁ ସରପ୍ରାଇଜ ଦେବେ । ଏବେ ଦେଖିବା ବାକି ରହିଲା କି ଅର୍ପିତାଙ୍କ ଏହି ସରପ୍ରାଇଜ ସଲମାନଙ୍କୁ କେତେ ଖୁସି କରିପାରୁଛି ।
ପ୍ରକାଶ ଥାଉକି ଅର୍ପିତା ଓ ଆୟୁଷଙ୍କ ବିବାହକୁ 5 ବର୍ଷ ପୂରଣ ହୋଇସାରିଲେଣି । ଦୁଇଜଣ ନିଜ ଦ୍ବିତୀୟ ସନ୍ତାନକୁ ନେଇ ଖୁବ୍ ଉତ୍ସାହିତ । ଦୁଇଜଣଙ୍କ ଲାଡଲା ଆହିଲ ମଧ୍ୟ ଅଛନ୍ତି । 2016ରେ ଆହିଲ ଜନ୍ମ ହୋଇଥିଲେ ।
