ମୁମ୍ବାଇ: ଦମଦାର ପ୍ରେମକାହାଣୀ ନେଇ ପରଦାରେ ଖୁବଶୀଘ୍ର ନଜର ଆସିବେ ହ୍ୟାଣ୍ଡସମ ଆକ୍ଟର ସିଦ୍ଧାର୍ଥ ମଲହୋତ୍ରା ଓ ତାରା ସୁତାରିୟା । ଏମାସ 15ରେ ରିଲିଜ ହେବାକୁ ଯାଉଛି ଦୁଇଜଣଙ୍କ ବହୁପ୍ରତିକ୍ଷିତ ଫିଲ୍ମ ‘ମରଜାୱାଂ’ । ନିକଟରେ ରିଲିଜ ହୋଇଥିବା ଫିଲ୍ମର ଟ୍ରେଲର ଏବଂ ଗୀତକୁ ଖୁବ୍ ପସନ୍ଦ କରିଥିଲେ ଦର୍ଶକ । ଫିଲ୍ମର ତିନୋଟି ଗୀତ ରିଲିଜ ପରେ ଦର୍ଶକଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ମେକର୍ସ ବୁଧବାର ଫିଲ୍ମର ଆଉ ଏକ ରୋମାଣ୍ଟିକ ଗୀତ ‘କିନ୍ନା ସୋଣା’ ରିଲିଜ କରିଥିଲେ । ମିଲାପ ଜାୱେରୀଙ୍କ ଦ୍ବାରା ନିର୍ଦ୍ଦେଶିତ ଏହି ଫିଲ୍ମରେ ସିଦ୍ଧାର୍ଥ ଓ ତାରାଙ୍କ ଜବରଦସ୍ତ କେମୋଷ୍ଟ୍ରି ଦେଖିବାକୁ ମିଳୁଛି ।
- " class="align-text-top noRightClick twitterSection" data="">
‘କିନ୍ନା ସୋଣା’ ରିଲିଜ ହେବା ମାତ୍ରେ ଦର୍ଶକଙ୍କୁ ଖୁବ୍ ପସନ୍ଦ ଆସିଛି । ବର୍ତ୍ତମାନ ସୋସିଆଲ ମିଡିଆରେ ଛାଇ ଯାଇଛି ଏହି ରୋମାଣ୍ଟିକ ଗୀତ । ଗୀତରେ ସିଦ୍ଧାର୍ଥ ଓ ତାରାଙ୍କ ଶାନଦାର ଲଭଷ୍ଟୋରି ଦର୍ଶକଙ୍କ ମନ କିଣିଛି । ଗୀତ ରିଲିଜ ପୂର୍ବରୁ ଏହି ଯୋଡି ଗୀତର ପୋଷ୍ଟର ସେୟାର କରି ଫ୍ୟାନ୍ସଙ୍କୁ ଗୀତ ରିଲିଜ ହେବାର ସୂଚନା ସୋସିଆଲ ମିଡିଆରେ ଦେଇଥିଲେ । ଦୁଇଜଣ ପୋଷ୍ଟର କ୍ୟାପସରେ ଲେଖିଥିଲେ, ‘ଇଶ୍କ କା ରୂପ, ଆଶିକି କା ନୂର, ଇନକେ ପ୍ୟାମ ମେଁ ହାୟ ମେଁ ମରଜାୱାଂ ।’
ପ୍ରକାଶ ଥାଉକି ଗୀତ ‘ଇନ୍ନା ସୋଣା’କୁ ଲୋକପ୍ରିୟ ଗାୟକ ନୁସରତ ଫତେହ ଅଲ୍ଲୀ ଖାନ ଗାଇଥିଲା । ତାଙ୍କ ଏହି ଗୀତକୁ ରିକ୍ରିଏଟ କରାଯାଇ ‘ମରଜାୱାଂ’ ଫିଲ୍ମର ଗୀତ କିନ୍ନା ସୋଣା ନିର୍ମାଣ କରାଯାଇଛି । ଗୀତଟି ମିତ ବ୍ରୋ, ଜୁବୀନ ନୌଟିୟାଲ ଓ ଇଣ୍ଟରନେଟ ସେନ୍ସେସନ ଧ୍ବାନି ଗାଇଛନ୍ତି । ସେହିପରି ଏହି ଗୀତର ଜବରଦସ୍ତ ଲିରିକ୍ସ ଲେଖିଛନ୍ତି କୁମାର ।
