ମୁମ୍ବାଇ: ‘ମନ୍ଦିର ଔର ମସଜିଦ୍ ଦୋନୋଂ ମିଲେଙ୍ଗେ ଗୁଜରେଗା ଇସ ଦେଶ କି ଜିସ୍ ଗଲି ସେ, ମଦଦ ମିଲେଗୀ ହର କିସି କୋ ମାଙ୍ଗୋ ୟା ଅଲ୍ଲୀ ସେ ୟା ବଜରଙ୍ଗ ବାଲୀ ସେ’ଏପରି ଡାଇଗଲରେ ରିଲିଜ ହୋଇଯାଇଛି ସିଦ୍ଧାର୍ଥ ମଲହୋତ୍ରା ଓ ରିତେଶ ଦେଶମୁଖଙ୍କ ଚର୍ଚ୍ଚିତ ଫିଲ୍ମ ‘ମରଜାୱାଂ’ର ଦମଦାର ଟ୍ରେଲର ।
- " class="align-text-top noRightClick twitterSection" data="">
ଦୀର୍ଘ ସମୟ ପରେ ଏକାଠି କାମ କରୁଥିବାର ନଜର ଆସିଛନ୍ତି ସିଦ୍ଧାର୍ଥ ଓ ରିତେଶ । ‘ଏକ ଭିଲେନ’ ଫିଲ୍ମରେ ପରସ୍ପର ବିରୋଧରେ ଲଢେଇ କରିଥିବା ଏହି ଦୁଇ ଅଭିନେତା ଏଥର ‘ମରଜାୱାଂ’ରେ ମଧ୍ୟ ମୁହାଁମୁହିଁ ହେବେ । ଆଉ ରିଲିଜ ହୋଇଥିବା ଟ୍ରେଲରରେ ସବୁଠାରୁ ମଜାଦାର ରିତେଶଙ୍କ ଭୂମିକାରେ ଦେଖିବାକୁ ମିଳୁଛି ।
ସିଦ୍ଧାର୍ଥ ରାମ ହୋଇ ଶତ୍ରୁ ସଂହାର କରୁଥିବା ବେଳେ ରିତେଶ ରାବଣ ହୋଇ ସିଦ୍ଧାର୍ଥଙ୍କ କାର୍ଯ୍ୟରେ ବାଧା ସୃଷ୍ଟି କରୁଥିବାର ନଜର ଆସୁଛନ୍ତି । ଜବରଦସ୍ତ ଡାଇଲଗ ସହ ସିଦ୍ଧାର୍ଥଙ୍କ ପାଗଳାମୀ ଓ ରିତେଶଙ୍କ କମିନାପନାରେ ଖୁସି ହୋଇଯାଇଛନ୍ତି ଦର୍ଶକ । ଫିଲ୍ମରେ ପ୍ରଥମଥର ସିଦ୍ଧାର୍ଥଙ୍କ ସହ ରୋମାନ୍ସ କରିଛନ୍ତି ନବାଗତ ଅଭିନେତ୍ରୀ ତାରା ସୁତାରିୟା ।
ଜଣେ ବାମନ ହୋଇ ଦେଶରେ ହିଂସା ବିସ୍ତାର କରିବାରେ ଲାଗିଛନ୍ତି ରିତେଶ । ଆଉ ସେହିପରି ରିତେଶ ନିଜ ପ୍ରେମ ପାଇଁ ଦୁନିଆର ସବୁ ଲଢେଇ ଲଢିବା ପାଇଁ ବାହାରୁଛନ୍ତି ।
ଟ୍ରେଲର ରିଲିଜର ସୂଚନା ଫ୍ୟାନ୍ସଙ୍କୁ ସିଦ୍ଧାର୍ଥ ଟ୍ବିଟରରେ ଜଣାଇ ଟ୍ରେଲର ଲିଙ୍କ ମଧ୍ୟ ସେୟାର କରିଛନ୍ତି । ‘ମରଜାୱାଂ’ରେ ସବୁଠାରୁ ଆକର୍ଷଣୀୟ ସିନ ହେଲା ଯେବେ ସିଦ୍ଧାର୍ଥ ନିଜ ପ୍ରେମୀକା ତଥା ତାରାଙ୍କୁ ନିଜ ହାତରେ ଗୁଳିମାରିବା । ଯାହା ଦର୍ଶକଙ୍କୁ ମଧ୍ୟ ଆଶ୍ଚର୍ଯ୍ୟ କରିଦେଇଛି । କାରଣ ଯେଉଁଠାରେ ରିତେଶ ଏହି ପ୍ରେମୀ ଯୁଗଳକୁ ଶେଷ କରିବା ପାଇଁ ଚେଷ୍ଟା କରୁଥିବେ ସେହିଠାରେ ସିଦ୍ଧାର୍ଥ, ତାରାଙ୍କୁ ମାରିବା ଦର୍ଶକଙ୍କୁ କନଫ୍ୟୁଜ କରିଦେଇଛି । ତେବେ ପୁରା କାହାଣୀ ଜାଣିବା ପାଇଁ ଦର୍ଶକଙ୍କୁ ନଭେମ୍ବର 8 ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ ।
