ମୁମ୍ବାଇ : ଦେଶରେ କୋରୋନା ସଙ୍କଟ କମିବାର ନାଁ ନେଉ ନାହିଁ । ଜନସାଧାରଣଙ୍କ ଠୁ ନେଇ ସେଲିବ୍ରିଟି ଏଯାବତ ଏହାର ଶିକାର ହେଉଛନ୍ତି । ଗତ ସପ୍ତାହରୁ ଅନେକ ବଲିଉଡ ସେଲିବ୍ରିଟି କୋରୋନା ସଂକ୍ରମିତ ହୋଇଛନ୍ତି । ଏହି ତାଲିକାରେ ରଣବୀର କପୁର, ଭଂସାଲୀ, ମନୋଜ ବାଜପେୟୀ, ଆଶିଷ ବିଦ୍ୟାର୍ଥୀ,ତାରା ସୂତାରିଆ । ଇତିମଧ୍ୟରେ ବର୍ତ୍ତମାନ ବଲିଉଡ ଅଭିନେତା ସିଦ୍ଧାନ୍ତ ଚତୁର୍ବେଦୀଙ୍କ କୋରୋନା ସଂକ୍ରମିତ ଖବର ସାମ୍ନାକୁ ଆସିଛି । ଏବେ ସେ ନିଜ ଘରେ କ୍ବାରେଣ୍ଟାଇନରେ ଅଛନ୍ତି ।
ଅଭିନେତା ନିଜେ ସୋସିଆଲ ମିଡିଆରେ ଏହି ବିଷୟରେ ସୂଚନା ଦେଇଛନ୍ତି ।
ଶନିବାର ରାତିରେ ଇନଷ୍ଟାଗ୍ରାମରେ ପୋଷ୍ଟ ମାଧ୍ୟମରେ ଅଭିନେତା କହିଛନ୍ତି ଯେ, ମୋର କୋରୋନା ରିପୋର୍ଟ ପଜିଟିଭ ଆସିଛି । ମୁଁ ଏବେ ସୁସ୍ଥ ଅଛି ଏବଂ କ୍ବାରେଣ୍ଟାଇନରେ ଅଛି । ଏଥିସହିତ ସେ ଡାକ୍ତରଙ୍କ ପରାମର୍ଶ ନେଉଛନ୍ତି ଏବଂ ସମସ୍ତ ସତର୍କତା ଅବଲମ୍ବନ କରୁଛନ୍ତି ।
ପ୍ରକାଶ ଥାଉ ଯେ, ସିଦ୍ଧାନ୍ତ ଗତ ମାସରେ କମେଡି ଚଳଚ୍ଚିତ୍ର ଭୂତ ପୋଲିସର ସୁଟିଂ କରି ଫେରିଥିଲେ ।
ଆଗାମୀ ସମୟରେ ସିଦ୍ଧାନ୍ତଙ୍କୁ ଚଳଚ୍ଚିତ୍ର 'ବଣ୍ଟି ଅର ବବଲି' ସିକ୍ବେଲରେ ଦେଖିବାକୁ ମିଳିବ ।
