ହାଇଦ୍ରାବାଦ: ପ୍ରଭୁଦେବାଙ୍କ ଆଗାମୀ ଫିଲ୍ମରେ ଗୀତ ଗାଇବେ ସାଉଥ ହିରୋଇନ ଶୃତି ହାସନ । ଏକ ସାକ୍ଷାତକାରରେ ଶୃତି ପ୍ରଭୁଦେବା ଓ ତମ୍ମନାଙ୍କ ଫିଲ୍ମରେ ଗୀତ ଗାଇବା ପାଇଁ ଉତ୍ସାହିତ ଅଛନ୍ତି ବୋଲି କହିଥିଲେ ।
ତେବେ ଶୃତି ପ୍ରଥମ ଥର 1997ରେ ପିତା କମଲ ହାସନଙ୍କ ଫିଲ୍ମ ‘ଚାଚି-420’ରେ ଗୀତ ଗାଇଥିଲେ । ଏହାପରେ ସେ ଅନେକ ଭାଷାରେ ଗୀତ ଗାଇଛନ୍ତି । ବଲିଉଡରେ ‘ଜୋଗନିୟାଁ’ ଓ ‘ସନ୍ନାଟା’ ଗୀତ ଗାଇଛନ୍ତି ଶୃତି ।
ତେବେ ଖାମୋସୀ ଫିଲ୍ମକୁ ଚକରି ଟୋଲେଟି ନିର୍ଦ୍ଦେଶନା ଦେଇଛନ୍ତି । ଫିଲ୍ମର ଟ୍ରେଲରରେ ତମ୍ମନା ଭାଟିଆଙ୍କୁ ଜଣେ ଗୁଙ୍ଗି ଓ କାଲୁଣି ଭୂମିକାରେ ଦେଖିବାକୁ ମିଳିଥିବା ବେଳେ ପ୍ରଭୁଦେବାଙ୍କୁ ଜଣେ ମାନସିକ ରୋଗି ଭୂମିକାରେ ଦେଖିବାକୁ ମିଳିଛି । ଫିଲ୍ମରେ ପ୍ରଭୁଦେବା ସମ୍ପତ୍ତି ପାଇଁ ସମସ୍ତଙ୍କ ହତ୍ୟା କରୁଥିବାର ଦେଖିବାକୁ ମିଳିବ । ଫିଲ୍ମଟି ମେ 31ରେ ରିଲିଜ ହେବ ।
