ମୁମ୍ବାଇ: ଖୁବଶୀଘ୍ର ଟ୍ୟାଲେଣ୍ଟଟେଡ ଅଭିନେତା ରାଜକୁମାର ରାଓ ଏବଂ ଜାହ୍ନବୀ କପୁର ଏକାଠି ନଜର ଆସିବେ । ଏହି ଯୋଡି ପ୍ରଥମଥର ଫିଲ୍ମ 'ରୁହଅଫଜା'ରେ କାମ କରୁଥିବାର ଦେଖାଯିବେ । ଆଜି ଫିଲ୍ମର ସୁଟିଂ ଆରମ୍ଭ ହୋଇଯାଇଛି ।
ଏହି ଅବସରରେ 'ସ୍ତ୍ରୀ' ଅଭିନେତା ରାଜକୁମାର ଫ୍ୟାନ୍ସଙ୍କୁ ଟ୍ବିଟରରେ ଏହାର ସୂଚନା ଦେଇଛନ୍ତି । ସୁଟିଂର କ୍ଲାପର ବୋର୍ଡର ଫଟୋ ପୋଷ୍ଟ କରି କ୍ୟାପସନରେ ଲେଖିଛନ୍ତି, "କରନେ ଆ ରହେ ହେଁ ଆପକେ ଦିଲ ପେ କବଜା, ଆଜ ସେ ସୁରୁ ହୋତି ହେ#RoohiAFza!."
ଅନ୍ୟପଟେ ଜାହ୍ନବୀ ଓ ରାଜୁମାରଙ୍କ ବ୍ୟତୀତ ଫିଲ୍ମରେ ଫୁକରେ ଅଭିନେତା ବରୁଣ ଶର୍ମା ମଧ୍ୟ ମୁଖ୍ୟ ଭୂମିକାରେ ଅଭିନୟ କରୁଥିବାର ଦେଖାଯିବେ । ରାଜକୁମାର ଓ ବରୁଣ 2015ରେ ଆସିଥିବା ଫିଲ୍ମ 'ଡଲି କି ଡୋଲି' ଫିଲ୍ମରେ ଏକାଠି କାମ କରିଥିଲେ ।
ଏହି ଫିଲ୍ମ ସହ ରାଜକୁମାର ଓ କଙ୍ଗନା ରଣାୱତଙ୍କ ଅଭିନୀତ ଫିଲ୍ମ ମେଣ୍ଟାଲ ହେ କ୍ୟା ଖୁବ୍ଶୀଘ୍ର ରିଲିଜ ହେବାକୁ ଯାଉଛି ।
