ମୁମ୍ବାଇ: ଅନେକ ବାଦବିବାଦ ପରେ ମୁମ୍ବାଇରେ ପହଞ୍ଚିଲେ କଙ୍ଗନା ରଣାୱତ । ମଙ୍ଗଳବାର କଡା ସୁରକ୍ଷା ସହ ସେ ମନାଲିରୁ ମୁମ୍ବାଇ ପାଇଁ ଯାତ୍ରା ଆରମ୍ଭ କରିଥିଲେ । ପ୍ରଥମେ ମଣ୍ଡି ଯାତ୍ରା କରି ମାତା-ପିତାଙ୍କଠୁ ଆଶୀର୍ବାଦ ନେଇଥିଲେ । ତାହାପରେ ଚଣ୍ଡିଗଡରୁ ମୁମ୍ବାଇ ପାଇଁ ଯାତ୍ରା କରିଥିଲେ । ସେପଟେ ବର୍ତ୍ତମାନ ତାଙ୍କ ଉପରେ ବୟାନ ନଦେଇ ଶିବସେନା ନେତା ସଞ୍ଜୟ ରାଉତ ଚର୍ଚ୍ଚାରେ ।
ସୁଶାନ୍ତ ସିଂଙ୍କ ଆତ୍ମହତ୍ୟାକୁ ନେଇ ଗତ ଏକମାସରୁ କଙ୍ଗନା ଓ ସଞ୍ଜୟଙ୍କ ମଧ୍ୟରେ ବିବାଦ ଜାରି ରହିଛି । ସେପଟେ ମ୍ୟାଚ୍ ଅଫିସ୍ ବାହାରେ ମିଡିଆକୁ ସୂଚନା ଦେଇ ସଞ୍ଜୟ କହିଛନ୍ତି, ‘ମୁଁ ଆଜି ଦିନସାରା ଅଫିସରେ ଥିଲି । ମୁଁ କିଛି ଦେଖି ନାହିଁ ଏବଂ କିଛି ଜାଣିନାହିଁ । ଯାହାବି କରିଛି ବିଏମସି କରିଛି ସେଥିରେ ମୋର କୌଣସି ହାତ ନାହିଁ ।’
ଏହାସହ ମିଡିଆ ସଞ୍ଜୟଙ୍କୁ ପ୍ରଶ୍ନ କରିଥିଲେ ଯେ ମ୍ୟୁନିସିପାଲିଟି କର୍ପୋରେସନ କଙ୍ଗନାକୁ କ୍ବାରେଣ୍ଟାଇନ କରିବ କି ନାହିଁ । ଯାହାର ଜବାବ ସେ ଉତ୍ତର ଦେଇ କହିଥିଲେ ଯେ ମେୟର ତାଙ୍କୁ ଏ ବିଷୟରେ ଜଣାଇବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
