ହାଇଦ୍ରାବାଦ: ଶମିତା ଶେଟ୍ଟୀ ଏବଂ ରାକେଶ ବାପତଙ୍କ ଲଭ୍ ଷ୍ଟୋରୀ ବିଗ୍ ବସ୍ OTT ରୁ ଆରମ୍ଭ ହୋଇଥିଲା । ସେହିଠାରୁ ଦୁହେଁ ପରସ୍ପରକୁ ପସନ୍ଦ କରିବା ଆରମ୍ଭ କରିଥିଲେ । ବିଗ୍ ବସ୍ ପରଠାରୁ ଶମିତା ଏବଂ ରାକେଶଙ୍କୁ ସବୁଠାରେ ଏକାଠି ଦେଖିବାକୁ ମିଳେ | ଶମିତାଙ୍କ ପରିବାର ମଧ୍ୟ ରାକେଶଙ୍କୁ ବହୁତ ପସନ୍ଦ କରନ୍ତି । ରାକେଶ ଅନେକ ସମୟରେ ଶମିତାଙ୍କ ପାରିବାରିକ କାର୍ଯ୍ୟରେ ସାମିଲ ଥାନ୍ତି । କିଛି ଦିନ ପୂର୍ବରୁ ରାକେଶ ଏବଂ ଶମିତାଙ୍କ ବ୍ରେକଅପ୍ ଖବର (Shamita Shetty Raqesh Bapat Break-up Rumours) ସାମ୍ନାକୁ ଆସିଥିଲା । ଯାହା ଉପରେ ଶମିତା ମୁହଁ ଖୋଲିଥିଲେ ।
ବର୍ତ୍ତମାନ ବ୍ରେକଅପ୍ ଖବର ମଧ୍ୟରେ ରାକେଶ ଏବଂ ଶମିତାଙ୍କୁ ପୁଣି ଏକାଠି ଦେଖିବାକୁ ମିଳିଛି । ଉଭୟଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ଉଭୟ ପରସ୍ପରର ହାତ ଧରିଥିବାର ଦେଖାଯାଏ । ରବିବାର ରାତିରେ ଶମିତା ଏବଂ ରାକେଶ ଏକ ପୁରସ୍କାର କାର୍ଯ୍ୟକ୍ରମରେ ଯାଇଥିଲେ । ଯେଉଁଠାରେ ଉଭୟ ପରସ୍ପରର ହାତ ଧରିଥିବାର ଦେଖାଯାଇଥିଲା । ଶମିତା ଏବଂ ରାକେଶଙ୍କ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ ଉଭୟ ଖୁବ୍ ମସ୍ତି କରୁଥିବା ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ଏହା ବି ପଢନ୍ତୁ: ରାକେଶ ବାପତଙ୍କୁ ବିବାହ କରିବେନି ଶମିତା !
ଏହି ପୁରସ୍କାର କାର୍ଯ୍ୟକ୍ରମରେ ଯେଉଁଥିରେ ଶମିତା ଏକ କଳା ରଙ୍ଗର ପୋଷାକରେ ନଜର ଆସିଛନ୍ତି। ସେ ଏକ କଳା ରଙ୍ଗର ଗାଉନ୍ ପିନ୍ଧିଛନ୍ତି ଯେଉଁଥିରେ ସେ ବହୁତ ସୁନ୍ଦର ଦେଖାଯାଉଛନ୍ତି । ଅନ୍ୟ ପଟେ ରାକେଶ ମଧ୍ୟ କଳା ରଙ୍ଗର ସୁଟରେ ଦେଖାଦେଇଥିଲେ । ଶମିତା ଏବଂ ରାକେଶଙ୍କୁ ଏକାଠି ଦେଖି ପ୍ରଶଂସକମାନେ ବହୁତ ଖୁସି ହେଉଛନ୍ତି । ପ୍ରଶଂସକ ତାଙ୍କ ଭିଡିଓରେ ଅନେକ କମେଣ୍ଟ ମଧ୍ୟ ଦେଉଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
