ମୁମ୍ବାଇ: ବଲିଉଡ ଅଭିନେତ୍ରୀ ବିଦ୍ୟା ବାଲାନଙ୍କ ଆଗାମୀ ଚଳଚ୍ଚିତ୍ର 'ଶକୁନ୍ତଳା ଦେବୀ'ର ଟ୍ରେଲର ରିଲିଜ ହୋଇସାରିଛି ।
ଯେଉଁଥିରେ ବିଦ୍ୟାଙ୍କୁ ଏକ ଅଲଗା ଅନ୍ଦାଜରେ ଦେଖିବାକୁ ମିଳିଛି । ଏହି ଫିଲ୍ମରେ ଶକୁନ୍ତଳା ଦେବୀଙ୍କ ଛୋଟ ଝିଅ ଠାରୁ ଆରମ୍ଭ କରି ମାଆ ହେବା ପର୍ଯ୍ୟନ୍ତ ଯାତ୍ରା ଦେଖିବାକୁ ମିଳିବ ।
ଏହି ଟ୍ରେଲରରେ ଶକୁନ୍ତଳା ଦେବୀଙ୍କ ସଂଘର୍ଷର ଝଲକ ସ୍ପଷ୍ଟ ଦେଖିବାକୁ ମିଳିଛି ।
ମ୍ୟାଥମେସିଟିକ୍ସ ଜିନିୟସ୍ ଶକୁନ୍ତଲା ଦେବୀଙ୍କ ଜୀବନରେ ନିର୍ମିତ ଏହି ଚଳଚ୍ଚିତ୍ରରେ ବିଦ୍ୟା ମୁଖ୍ୟ ଭୂମିକାରେ ନଜର ଆସିବେ ।
ଫିଲ୍ମରେ ବିଦ୍ୟାଙ୍କ ବ୍ୟତୀତ ସାନିଆ ମାଲହୋତ୍ରା ମଧ୍ୟ ତାଙ୍କ ଝିଅ ଭୂମିକାରେ ଅଭିନୟ କରୁଥିବାର ଦେଖିବାକୁ ମିଳିବ । ଏଥି ସହିତ ଜିଶୁ ସେନଗୁପ୍ତା ଏବଂ ଅମିତ ସାଧ ମଧ୍ୟ ଏହି ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।
ଅନୁ ମେନନଙ୍କ ନିର୍ଦ୍ଦେଶିତ ଏହି ଫିଲ୍ମ ଜୁଲାଇ 31 ରେ ଓଟିଟି ପ୍ଲାଟଫର୍ମ ଆମାଜନ ପ୍ରାଇମରେ ମୁକ୍ତିଲାଭ କରିବ ।
ଏହି ଫିଲ୍ମର ଡିଜିଟାଲ୍ ରିଲିଜ୍ ହେବ ବୋଲି ଫିଲ୍ମର ନିର୍ମାତା ପୂର୍ବରୁ ଘୋଷଣା କରିସାରିଛନ୍ତି । ନିକଟରେ ବିଦ୍ୟାଙ୍କ କ୍ଷୁଦ୍ର ଚଳଚ୍ଚିତ୍ର 'ନଟଖଟ' ମଧ୍ୟ ରିଲିଜ ହୋଇଛି, ଯାହାକୁ ଦର୍ଶକମାନେ ବହୁତ ପସନ୍ଦ କରିଥିଲେ । ବର୍ତ୍ତମାନ ବିଦ୍ୟା 'ଶକୁନ୍ତଳା ଦେବୀ' ଫିଲ୍ମକୁ ଉତ୍ସାହର ସହିତ ଅପେକ୍ଷା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
