ହାଇଦ୍ରାବାଦ: ଅନେକ ବଲିଉଡ ସେଲିବ୍ରିଟି ଏବେ ୱେବ ସିରିଜରେ କାମ କରିବାକୁ ପସନ୍ଦ କରୁଛନ୍ତି । ଲୋକଙ୍କ ମଧ୍ୟରେ ୱେବ ସିରିଜର ବି ଚାହିଦା କାଫି ରହିଛି । ତେବେ କିଙ୍ଗଖାନ ଏଥିରେ ପଛରେ କେମିତି ରହିବେ । ଶାହାରୁଖଙ୍କ ପ୍ରଯୋଜନାରେ ତିଆରି ହେବ ସିରିଜ 'କ୍ଲାସ ଅଫ 83' । ଏଥିରେ ମୁଖ୍ୟ ଚରିତ୍ରରେ ନଜର ଆସିବେ ବବି ଦେଓଲ । ଶାହାରୁଖ ପ୍ରଥମ ଥର ପାଇଁ ଏହି ସିରିଜ ଜରିଆରେ ଡିଜିଟାଲ ପ୍ଲାଟଫର୍ମରେ ଏଣ୍ଟ୍ରି ମାରିବେ ।
ଏହି ସମ୍ପର୍କିତ ଏକ ପୋଷ୍ଟ ଟ୍ବିଟରରେ ସେୟାର କରିଛନ୍ତି ବିବି ଦେଓଲ । ବବି କ୍ଲାପବୋର୍ଡର ଏକ ଫଟୋ ପୋଷ୍ଟ କରି ନିଜ ଖୁସି ଜାହିର କରିଥିଲେ । ତେବେ ସିରିଜକୁ ନିର୍ଦ୍ଦେଶନା ଦେଉଛନ୍ତି ଅତୁଲ ସାଭରୱାଲ ଓ ଏହାର ସୁଟିଂ ଆଜିଠୁ ଆରମ୍ଭ ହେବା ଖବର ରେଡ ଚିଲିଜ ଏଣ୍ଟରଟେନମେଣ୍ଟ ଦେଇଛି ।
ତେବେ ବବି ଦେଓଲ ହାଉସଫୁଲ-4ରେ ଅକ୍ଷୟ, କ୍ରିତ୍ତି ସାନୋନ, ରିତେଶ ଦେଶମୁଖ, ରାଣା ଦଗୁପତିଙ୍କ ସହ ସ୍କ୍ରିନ ସେୟାର କରିବେ । ଫିଲ୍ମଟି 2019 ଦିପାବଳୀରେ ପରଦା ଉପରକୁ ଆସିବ ।
