ମୁମ୍ବାଇ: ଆମାଜନ ଗ୍ଲୋବାଲ ସିଇଓ ଜେଫ ବେଜେସ ଏହି ସମୟରେ ଭାରତରେ ଅଛନ୍ତି । ଏଯାବତ ସେ ଅନେକ ବିଶିଷ୍ଟ ବ୍ୟକ୍ତିଙ୍କ ସହ ସାକ୍ଷାତ କରିସାରିଲେଣି । ଏହି କ୍ରମରେ ବି-ଟାଉନର କିଙ୍ଗ ଖାନ ଶାହରୁଖ ଖାନ ମଧ୍ୟ ସାମିଲ ଅଛନ୍ତି । ନିକଟରେ ଜେଫଙ୍କ ସ୍ବାଗତରେ ଆମାଜନ ପକ୍ଷରୁ ଏକ ଇଭେଣ୍ଟ ହୋଷ୍ଟ କରାଯାଇଥିଲା । ଯେଉଁଥିରେ ଫିଲ୍ମ ଇଣ୍ଡଷ୍ଟ୍ରିର ଅନେକ ଫେମସ କଳାକରା ସାମିଲ ହୋଇଥିଲେ ।
ଏହି ଇଭେଣ୍ଟର ହୋଷ୍ଟ ସାଜିଥିଲେ ଶାହରୁଖ । ଆଉ ପୁଣିଥରେ ନିଜ ମସ୍ତିଭରା ଅନ୍ଦାଜରେ ନଜର ଆସିଥିଲେ । ଇଭେଣ୍ଟରେ ଶାହରୁଖ ନିଜ ଅନଲାଇନ ସପିଂ ସହ ସମ୍ପୃକ୍ତ ଥିବା କିଛି ସିକ୍ରେଟ୍ସ ଦର୍ଶକଙ୍କ ସହ ସେୟାର କରିଥିଲେ ।
ସବୁଠାରୁ ମଜାକଥା ସେ କହିଥିଲେ ଯେ ଅନ୍ତଃବସ୍ତ୍ର କିଣିବା ପାଇଁ ସେ ଅନଲାଇନ ଅର୍ଡର ଦେବାକୁ ଟିକେ ଡରନ୍ତି । ସେ ବହି ସବୁ ଆମାଜନରେ କିଣନ୍ତି । ଘର ଜିନିଷ ବିଗ ବାସ୍କେଟରୁ ଅର୍ଡର କରନ୍ତି । ହେଲେ ଏଯାବତ ସେ ଗୋଟିଏ ଜିନିଷ ଅନଲାଇନ କିଣିନାହାଁନ୍ତି । ତାହା ହେଲା ତାଙ୍କ ଅନ୍ତଃବସ୍ତ୍ର ।
ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଥିବା ତାଙ୍କର ଗୋଟିଏ ଭିଡିଓ ଫ୍ୟାନ୍ସଙ୍କୁ ଖୁବ୍ ପସନ୍ଦ ଆସିଛି । ଯେଉଁଥିରେ ମଜାଦାର ଅନ୍ଦାଜରେ ଜେଫଙ୍କୁ ବଲିଉଡ ଡାଇଲଗ ଶିଖାଉଥିବାର ଦେଖାଯାଉଛନ୍ତି । ସେ ନିଜ ଚର୍ଚ୍ଚିତ ଫିଲ୍ମ ‘ଡନ’ର ସୁପରହିଟ୍ ଡାଇଲଗକୁ ଜେଫିଙ୍କ ସହ ସମ୍ପୃକ୍ତ କରି କହୁଛନ୍ତି ଯେ ‘ଜେଫ କୋ ପକଡନା ମୁଶକିଲ ହି ନେହିଂ ନାମମୁକିନ ହେ’ । ତାଙ୍କ ଏହି ଭିଡିଓକୁ ଫେମସ ଅଭିନେତା ରିତେଶ ଦେଶମୁଖ ଟ୍ବିଟର ଆକାଉଣ୍ଟରେ ସେୟାର କରିଛନ୍ତି ।
