ମୁମ୍ବାଇ: ସୁପରଷ୍ଟାର ଶାହରୁଖ ଖାନ ଦୀର୍ଘ ସମୟରୁ ଅଭିନୟଠୁ ଦୂରେଇ ଅଛନ୍ତି । ହେଲେ ସେ ଫିଲ୍ମ କାମୟାବ ଜରିଆରେ ପ୍ରଯୋଜନା ଦାୟିତ୍ବ ତୁଲାଇଛନ୍ତି । ଯାହା ଗତ 6 ତାରିଖରେ ରିଲିଜ ହୋଇଯାଇଛି । ଇତିମଧ୍ୟରେ ‘କାମୟାବ’ର ପୁରା ଟିମଙ୍କୁ ସେ ଶୁଭକାମନା ଓ ଶୁଭେଚ୍ଛା ଦେଇଛନ୍ତି। ତାଙ୍କ ଅନୁଯାୟୀ ‘କାମୟାବ’ ଶାନଦାର ଫିଲ୍ମ ମଧ୍ୟରୁ ଅନ୍ୟତମ। ଫିଲ୍ମକୁ ନିର୍ମାଣ କରିଥିବା ରେଡ ଚିଲିଜ ଏଣ୍ଟରଟେନମେଣ୍ଟର ମାଲିକ ଶାହରୁଖ ଟ୍ବିଟରରେ ଫିଲ୍ମ ଷ୍ଟାରକାଷ୍ଟଙ୍କ ସହ ଏକ ଫଟୋ ସେୟାର କରିଛନ୍ତି।
ଯାହାର କ୍ୟାପସନରେ ସେ ଲେଖିଛନ୍ତି, ‘ଏହା ଏକ ଶାନଦାର ଫିଲ୍ମ , ଆଉ କିଛି ଭଙ୍ଗା ହୃଦୟ। ଆଶା କରୁଛି ଫିଲ୍ମକୁ ଦର୍ଶକଙ୍କ ଭଲ ପାଇବା ମିଳିବ । ଟିମକୁ ଶୁଭକାମନା । କେବଳ ଜୀବନକୁ ଉପଭୋଗ କରନ୍ତୁ, ଆଉ ବିକଳ୍ପ କଣ ଅଛି।’
ପ୍ରକାଶ ଥାଉକି ହାର୍ଦ୍ଧିକ ମେହେଟ୍ଟାଙ୍କ ଦ୍ବାରା ନିର୍ଦ୍ଦେଶିତ କାମୟାବରେ ହିନ୍ଦୀ ସିନେମାର ଜଣେ ସହଯୋଗୀ-ଅଭିନେତାଙ୍କ ବାସ୍ତବ କାହାଣୀକୁ ନେଇ ପର୍ଯ୍ୟବେଶିତ। ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ଫେମସ ଅଭିନେତା ସଞ୍ଜୟ ମିଶ୍ରା ଓ ଦୀପକ ଜୋବରିୟାଲ ।
