ମୁମ୍ବାଇ: ଏହିସମୟରେ ଇଣ୍ଡିଆନ ବକ୍ସ ଅଫିସରେ 'କବୀର ସିଂ'ର ଯାଦୁ ଦେଖିବାକୁ ମିଳୁଛି । ଗୁରୁବାର ଶାହିଦ କୁପରଙ୍କ କବୀର ସିଂ ବର୍ଷର ସବୁଠାରୁ ବଡ ହିଟ ଫିଲ୍ମ ସାବ୍ୟସ୍ତ ହୋଇଛି । ଫିଲ୍ମଟି ଏଯାବତର ସବୁଠାରୁ ଅଧିକା ଆୟ କରିଥିବା ଫିଲ୍ମ 'ଉରି: ଦ ସର୍ଜିକାଲ ଷ୍ଟ୍ରାଇକ'କୁ ପଛରେ ପକାଇ ବିଗେଷ୍ଟ ହିଟର ମୁକୁଟ ପିନ୍ଧିଛି । ଫିଲ୍ମରେ ଶାହିଦଙ୍କ ଅଭିନୟ ସହ କିୟାରା ଆଡଭାନୀଙ୍କ ଅଭିନୟର ମଧ୍ୟ ଖୁବ୍ ପ୍ରଶଂସା କରିଛନ୍ତି ଦର୍ଶକ ।
ଫିଲ୍ମର ଶାନଦାର ସଫଳତା ଦେଖି ଭାବୁକ ନଜର ଆସୁଛନ୍ତି କବୀର ସିଂ ତଥା ଶାହିଦ କପୁର । ଏହି ଅବସରରେ ଶାହିଦ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ହୃଦୟର କଥା ଫ୍ୟାନ୍ସଙ୍କ ସହ ସେୟାର କରିଛନ୍ତି । ସେ ଏହି ସ୍ପେଶାଲ ନୋଟରେ ଲେଖିଛନ୍ତି ଯେ ଆପଣ ଏତେ ପ୍ରେମ ଆଉ ସ୍ନେହ ଦେଇଛନ୍ତି କି ଧନ୍ୟବାଦ ପାଇଁ ଶବ୍ଦ କମ ପଡୁଛି । ଏହାସହ ସେ 'କବୀର ସିଂ'କୁ ତ୍ରୁଟିପୂର୍ଣ୍ଣ ମଧ୍ୟ କହିଛନ୍ତି । କାରଣ କବୀର ସିଂ ଯେଉଁ ପରିସ୍ଥିତିରେ ଥିଲା ସେମିତି ପରିସ୍ଥିତି ସମସ୍ତଙ୍କ ଲାଇଫରେ ଆସେ ତେଣୁ ପରିସ୍ଥିତି ସାମ୍ନା ନକରିବାରୁ କବୀର ସିଂ ନିଶାଦ୍ରବ୍ୟରେ ବୁଡି ରହୁଥିଲା । 'କବୀର ସିଂ' ବର୍ତ୍ତମାନ ତାଙ୍କ ଫେଭରେଟ ଫିଲ୍ମ ମଧ୍ୟ ସାଜିଛି ।
ରିଲିଜର 13 ଦିନ ପରେ ଫିଲ୍ମଟି 200 କୋଟିରୁ ଅଧିକ ଆୟ କରିସାରିଲାଣି ଆଉ ଏଯାବତ ମଧ୍ୟ ବକ୍ସ ଅଫିସରେ କଲେକ୍ସନ କରିବାରେ ଲାଗିଛି । ଫିଲ୍ମଟି ଶାହିଦଙ୍କ ଏଯାବତର ସବୁଠାରୁ ବଡ ସଫଳତମ ଫିଲ୍ମ ହୋଇ ସାମ୍ନାକୁ ଆସିଛି । ଫିଲ୍ମ ମେକର୍ସ ଆଶା କରୁଛନ୍ତି କି ଆଗାମୀ ୱିକେଣ୍ଡରେ ଫିଲ୍ମଟି 250 କୋଟିରୁ ଅଧିକ ଆୟ କରିବ ।
