ମୁମ୍ବାଇ: ଧକ୍ ଧକ୍ ଗାର୍ଲ ମାଧୁରୀ ଦୀକ୍ଷିତ କୋରୋନା ଲକଡାଉନ ମଧ୍ୟରେ ମ୍ୟୁଜିକାଲ ଭିଡିଓ ‘କ୍ୟାଣ୍ଡେଲ’ ଜରିଆରେ ସଙ୍ଗୀତ ଦୁନିଆରେ ପଦାର୍ପଣ କରିଥିଲେ। ଏହି ଗୀତ ଶୁଣି ତାଙ୍କ ସହ-କଳାକାର ମାନେ ତାଙ୍କ କଣ୍ଠର ଦିୱାନା ହୋଇଯାଇଛନ୍ତି। ବର୍ତ୍ତମାନ ଏହି ତାଲିକାରେ ସାମିଲ ହୋଇଛନ୍ତି ସୁପରଷ୍ଟାର ଶାହାରୁଖ ଖାନ। ସୋସିଆଲ ମିଡିଆରେ ସେ ମଧୁରୀଙ୍କ ପ୍ରଶଂସା କରିବାରେ ଲାଗିପଡିଛନ୍ତି।
ଅନେକ ଫିଲ୍ମରେ ମାଧୁରୀଙ୍କ ସହ ଅଭିନୟ କରିସାରିଥିବା ଶାହରୁଖ ମଙ୍ଗଳବାର ଟ୍ବିଟ କରି ଲେଖିଛନ୍ତି, ‘ମୋ କ୍ୟାରିୟର କାଲିଗ ଏବଂ ମୋର ବନ୍ଧୁ । ଯିଏ ଉଚ୍ଚ ପ୍ରତିଭାବାନ। ମୁଁ ତାଙ୍କଠାରୁ ବହୁତ କିଛି ଶିଖିଛି ଏବଂ ତାଙ୍କଠାରୁ ଶିକ୍ଷା ଜାରି ରଖିଛି। ସୁନ୍ଦର କଣ୍ଠ ସହ ସେ ଖୁବ୍ ଭଲ ମଣିଷ। ଶାନଦାର।’
ଶାହାରୁଖଙ୍କ ଟ୍ବିଟ ପରେ ତାଙ୍କ ପ୍ରଶଂସକ ମାଧୁରୀଙ୍କ ସହ ତାଙ୍କର ଫଟୋ ସେୟାର କରିବା ଆରମ୍ଭ କରିଥିଲେ।
ପ୍ରକାଶ ଥାଉକି ମାଧୁରୀଙ୍କ ଗୀତ 'କ୍ୟାଣ୍ଡେଲ' କୋରୋନା ଯୋଦ୍ଧା ପାଇଁ ଉତ୍ସର୍ଗୀକୃତ। ଏହାକୁ ରିଲିଜ କରିବାବେଳେ ମାଧୁରୀ ସୋସିଆଲ ମିଡିଆରେ ଲେଖିଥିଲେ, ‘ମୁଁ ମଧ୍ୟ ଖୁସି, ଉତ୍ସାହିତ ଏବଂ ଟିକେ ନର୍ଭସ। ଏହା ମୋର ପ୍ରଥମ ଗୀତ ଆଶା କରୁଛି ଆପଣ ସମସ୍ତେ ଏହାକୁ ପସନ୍ଦ କରିବେ।’
