ମୁମ୍ବାଇ: ବଲିଉଡରେ ଡନର କଥା ସାମ୍ନାକୁ ଆସିଲେ ସର୍ବପ୍ରଥମେ ଦର୍ଶକଙ୍କ ଓଠରେ ଅମିତାଭ ବଚ୍ଚନ ଓ ଶାହରୁଖ ଖାନଙ୍କ ନାମ ଆସିଥିଏ । ଏହି ଦୁଇ ଷ୍ଟାର ପରଦାରେ ଡନ ଭୂମିକାରେ ଶାନଦାର ଅଭିନୟ କରିଥିଲେ । ତେଣୁ ଦର୍ଶକ ଅନ୍ୟ କୌଣସି କଳାକାରଙ୍କୁ ଡନ ସ୍ଥାନରେ ଭାବିପାରୁ ନାହାଁନ୍ତି । କିନ୍ତୁ ଖୁବ୍ ଶୀଘ୍ର ଏହି ତାଲିକାରେ ନୂଆ ଷ୍ଟାରଙ୍କ ନାମ ଯୋଡି ହେବାକୁ ଯାଉଛି । ବଲିଉଡ ପାୱରହାଉସ ଅଭିନେତା ରଣଭୀର ସିଂହଙ୍କ କଥା ଡନ-3 ପାଇଁସ୍ଥିର କରାଯାଇଛି । ଯିଏ ଖୁବ୍ ଶୀଘ୍ର 'ଡନ-3'ରେ ଫିଲ୍ମରେ ମୁଖ୍ୟ ଭୂମିକାରେ ନଜର ଆସି ପାରନ୍ତି ।
ଶୁଣିବାକୁ ମିଳୁଛି ଯେ ଶାହରୁଖ 'ଡନ-3' ଫିଲ୍ମରେ କାମ କରିବାକୁ ମନା କରିଦେଇଛନ୍ତି । ଯାହା ପାଇଁ ନିର୍ମାତା ରଣଭୀରଙ୍କ ସହ କଥାବାର୍ତ୍ତା ଚଲାଇଛନ୍ତି । କିଙ୍ଗ ଖାନ 'ଡନ-3' ଫିଲ୍ମରେ କାମ ନକରିବାର ନିଷ୍ପତ୍ତି ମଧ୍ୟ ନେଇସାରିଛନ୍ତି । ବର୍ତ୍ତମାନ ସ୍କ୍ରିପ୍ଟ ଉପରେ କାମ ଚାଲିଛି । ଶାହରୁଖଙ୍କ ନିଷ୍ପତ୍ତି ଶୁଣିଲା ପରେ ନିର୍ମାତା ରଣଭୀରଙ୍କୁ ଫିଲ୍ମରେ ସାମିଲ କରିବାର ମନେ କରିଛନ୍ତି । କିନ୍ତୁ ଏଯାବତ ରଣଭୀର ଫିଲ୍ମରେ ସାଇନ କରିନାହାଁନ୍ତି ।
