ହାଇଦ୍ରାବାଦ: ‘କୁମକୁମ ଭାଗ୍ୟ’ ସିରିଏଲରେ ଆଉ ନଜର ଆସିବେନି ଅଭିଷେକ ମେହରା । ଘରେ ଘରେ ପରିଚିତ ହୋଇଥିବା ଏହି ନାମ ହେଉ କିମ୍ବା ତାଙ୍କର ସଂଳାପ ଆଉ କେହି ଶୁଣିବାକୁ ପାଇବେନି। କାହିଁକି ନା ଶବ୍ବୀର ଅହଲୁୱାଲିଆ ‘କୁମକୁମ ଭାଗ୍ୟ’ ସହ ସମ୍ପର୍କ ଛିନ୍ନ କରିବାକୁ ଯାଉଛନ୍ତି। ଏହି ଖବର ସାମ୍ନାକୁ ଆସିବା ପରେ ଟିଭିର ମୋଷ୍ଟ ହ୍ୟାଣ୍ଡସମ ତଥା ଟାଲେଣ୍ଟେଡ ଆକ୍ଟର ଶବ୍ବୀର ଅହଲୁୱାଲିଆଙ୍କୁ ନେଇ ଚର୍ଚ୍ଚା ଜୋର ଧରିଛି।
- " class="align-text-top noRightClick twitterSection" data="
">
ଖବର ଅନୁଯାୟୀ, ପ୍ରାୟ 7-8 ବର୍ଷ ଧରି ଚର୍ଚ୍ଚିତ ଟିଭି ସୋ ‘କୁମକୁମ ଭାଗ୍ୟ’ ରେ ଅଭିଷେକ ମେହେରଙ୍କ ଭୂମିକାରେ ଅଭିନୟ କରିବା ପରେ ଶବ୍ବୀର ଅହଲୁୱାଲିଆ ସୋ' ଛାଡିଛନ୍ତି। କ୍ୟାରିୟର ଏବଂ ଜୀବନରେ ଆଗକୁ ବଢିବାକୁ ଶବ୍ବୀର ଯୋଜନା କରୁଛନ୍ତି । ଖବର ରହିଛି ଯେ ଶବ୍ବୀର ଏବଂ ସୋ’ର ନିର୍ମାତାମାନେ ପାରସ୍ପରିକ ସହମତି ନେଇ ଏହି ନିଷ୍ପତ୍ତି ନେଇଛନ୍ତି।
ଉଭୟ ଶବ୍ବୀର ଏବଂ ଏକତା କପୁର (ଶୋ’ର ନିର୍ମାତା) ଭଲ ବନ୍ଧୁ ଅଟନ୍ତି ଏବଂ ଆଗକୁ ମଧ୍ୟ ରହିବେ । କୌଣସି ପ୍ରତିବନ୍ଧକ ବିନା ଏହି ନିଷ୍ପତ୍ତି ନିଆଯାଇଛି । ଅବଶ୍ୟ, ନେଟୱାର୍କ ଆନୁଷ୍ଠାନିକ ଭାବରେ ଶବ୍ବୀରଙ୍କ ସୋ’ ଛାଡିବା ବିଷୟରେ ସୂଚନା ସେୟାର କରିନାହିଁ । ଏଥିସହିତ, ଶବ୍ବୀର ମଧ୍ୟ ଏ ପର୍ଯ୍ୟନ୍ତ ନିରବ ରହିଛନ୍ତି ।
ନୂଆ ଶୋ’ରେ ନଜର ଆସିବେ ଶବ୍ବୀର ଅହଲୁୱାଲିଆ
ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ଶବ୍ବୀର ଅହଲୁୱାଲିଆ ଅନ୍ୟ ଏକ ଚ୍ୟାନେଲରେ ଏକ ନୂଆ ସୋ ପାଇଁ ଚର୍ଚ୍ଚା କରୁଛନ୍ତି। ଯଦି ରିପୋର୍ଟକୁ ବିଶ୍ବାସ କରାଯାଏ, ତେବେ ୟଶ ପଟ୍ଟନାୟକଙ୍କ ଦ୍ବାରା ପ୍ରସ୍ତୁତ ହେବାକୁ ଥିବା ନୂଆ ଟିଭି ସୋ’ରେ ଶବ୍ବୀରଙ୍କୁ ଏକ ବଡ଼ ଅଫର ମିଳିଛି ଏବଂ ସେ ଏହି ସୋ’ରେ ଅଭିନୟ କରିପାରନ୍ତି । ମାର୍ଚ୍ଚ ଶେଷ ସୁଦ୍ଧା ଏହି ସୋ ପ୍ରସାରିତ ହେବ, ଏହି ସୋ’ର କାହାଣୀ ପ୍ରେମ କାହାଣୀ ଉପରେ ଆଧାରିତ ହେବ, ଯେଉଁଥିରେ ଶବ୍ବୀର ମୁଖ୍ୟ ଭୂମିକାରେ ନଜର ଆସିବେ । ତେବେ ଶବ୍ବୀର ପ୍ରୋଜେକ୍ଟ ସାଇନ୍ କରି ନ ଥିବା ଜଣାଯାଇଛି।
ଏଥିସହିତ ଶବ୍ବୀର ‘କୁମକୁମ ଭାଗ୍ୟ’ ଛାଡି ଚାଲିଯିବା ଖବର ତାଙ୍କ ପ୍ରଶଂସକଙ୍କୁ ଦୁଃଖ ଦେଇଛି। କିନ୍ତୁ ପ୍ରଶଂସକମାନେ ଖୁସି ଯେ ସେମାନେ ନୂଆ ସିରିଏଲରେ ଶବବୀରଙ୍କୁ ଦେଖି ପାରିବେ । ତେବେ, ଏହା ସମୟ ହିଁ କହିବ ଶବବୀରଙ୍କୁ ନୂଆ ସିରିଏଲରେ ନଜର ଆସିବେ କି ନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
