ମୁମ୍ବାଇ: ଗତ କାଲି ପୁରା ଦେଶ ଦୀପାବଳି ଆଲୋକରେ ଆଲୋକିତ ହୋଇ ଉଠିଥିଲା । ଜନସାଧାରଣଙ୍କଠୁ ନେଇ ସେଲିବ୍ରିଟି ଖୁବ୍ ଧୁମଧାମରେ ପାଳନ କରିଥିଲେ ଦୀପାବଳି। କିଛି ସେଲିବ୍ରିଟି ଘରେ ପାର୍ଟି ରଖି ସେଲିବ୍ରେଶନ କରିଥିଲେ ତ ଆଉ କିଛି ବନ୍ଧୁମାନଙ୍କ ସହ ହ୍ୟାଙ୍ଗଆଉଟ କରି । ସେହିପରି ବି-ଟାଉନର ଲୋକପ୍ରିୟ ନିର୍ମାତା ସଞ୍ଜୟ ଲୀଲା ଭଂସାଲୀ ନିଜ ଆଗାମୀ ପ୍ରୋଜେକ୍ଟ ଘୋଷଣା କରି ଦୀପାବଳି ପାଳିଥିଲେ ।
- " class="align-text-top noRightClick twitterSection" data="
">
ଆଜ୍ଞା ହଁ, ଖୁବଶୀଘ୍ର ସଞ୍ଜୟ ‘ବୈଜୁ ବାୱରା’ ଫିଲ୍ମ ନିର୍ମାଣ କରିବାକୁ ଯାଉଛନ୍ତି । ଦୀପାବଳି ଅବସରରେ ସେ ଏହି ଫିଲ୍ମର ଘୋଷଣା କରିଛନ୍ତି । ଆଉ 2021ରେ ଦୀପାବଳିରେ ଏହି ଫିଲ୍ମ ରିଲିଜ କରିବେ ବୋଲି କହିଛନ୍ତି । ଆଲିୟା ଭଟ୍ଟ ଷ୍ଟାରର ‘ଗଙ୍ଗୁବାଇ କାଥ୍ବିୱାଡୀ’ ରିଲିଜ ଆସନ୍ତା ବର୍ଷ ସେପ୍ଟେମ୍ବର 11ରେ କରିସାଲା ପରେ ସଞ୍ଜୟ ‘ବାଇଜୁ ବାୱରା’ ରିଲିଜ କରିବାର ନିଷ୍ପତ୍ତି ନେଇଛନ୍ତି । ଏଯାବତ ଫିଲ୍ମର ମୁଖ୍ୟ ଷ୍ଟାରକାଷ୍ଟକୁ ନେଇ କୌଣସି ଘୋଷଣା କରାଯାଇନାହିଁ । କିନ୍ତୁ ଶୁଣିବାକୁ ମିଳୁଛି ଯେ ଏହି ଫିଲ୍ମରେ ପପୁଲାର ଯୋଡି ରଣବୀର ସିଂ ଓ ଦୀପିକା ପାଦୁକୋନ ନଜର ଆସିପାରନ୍ତି ।
ଅନ୍ୟପଟେ ଫିଲ୍ମ କ୍ରିଟିକ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ମଧ୍ୟ ଟ୍ବିଟରରେ ଏହାର ସୂଚନା ଦର୍ଶକଙ୍କୁ ଦେଇଛନ୍ତି । ସେହିପରି ସଞ୍ଜୟଙ୍କ ପ୍ରଡକ୍ସନ ଇନଷ୍ଟାଗ୍ରାମରେ ଏକ ଅଧିକାରୀକ ପୋଷ୍ଟର ଜରିଆରେ କୁହାଯାଇଛି ଯେ ଫିଲ୍ମ ‘ଗଙ୍ଗୁବାଇ କାଥ୍ବିୱାଡୀ’ ରିଲିଜ ପରେ ଏହି ମ୍ୟୁଜିକାଲ ସାଗା ଫିଲ୍ମ ‘ବାଇଜୁ ବାୱରା’ର ନିର୍ମାଣ କରିବେ ସଞ୍ଜୟ । ଯେଉଁଥିରେ ଜଣେ ସଙ୍ଗୀତକାରଙ୍କ ପ୍ରତିଶୋଧର କାହାଣୀ ଦେଖିବାକୁ ମିଳିବ ।
