ମୁମ୍ବାଇ: ଲୋକପ୍ରିୟ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାରେ ବର୍ତ୍ତମାନ ମୁମ୍ବାଇ ପୋଲିସ କଡା ତଦନ୍ତ ଚଳାଇଛି । ହେଲେ ତାଙ୍କ ମୃତ୍ୟୁକୁ ନେଇ କ୍ରୋଧିତ ଥିବା ଫ୍ୟାନ୍ସ ସିବିଆଇ ଯାଞ୍ଚ ପାଇଁ ଦାବି କରୁଛନ୍ତି । ପୋଲିସ ମଧ୍ୟ ଏଯାବତ ସୁଶାନ୍ତଙ୍କ ସହ ସମ୍ପୃକ୍ତ ଥିବା 28 ଜଣଙ୍କ ବୟାନ ରେକର୍ଡ କରିସାରିଲାଣି । । ଇତିମଧ୍ୟରେ ଫେମସ ନିର୍ମାତା ସଞ୍ଜୟ ଲୀଲା ଭଂସାଲୀଙ୍କୁ ନେଇ ନୂଆ ଚର୍ଚ୍ଚା । ଏଥର ତାଙ୍କ ବୟାନ ରେକର୍ଡ କରିବ ପୋଲିସ । ଯାହା ପାଇଁ ତାଙ୍କୁ ପୋଲିସ ଷ୍ଟେସନରେ ଦୁଇ ଦିନ ଉପସ୍ଥିତି ରହିବାକୁ ସମନ ପଠାଯାଇଛି ।
ସଞ୍ଜୟଙ୍କୁ ପୋଲିସ ପଚରାଉଚରା କରିବା କାରଣ ହେଲା ଯେ କିଛି ରିପୋର୍ଟରେ କୁହଯାଇଛି ଯେ ସୁଶାନ୍ତଙ୍କୁ ପୁଣିଥରେ ତାଙ୍କ ଫିଲ୍ମର ଅଫର ଦିଆଯାଇଥିଲା । ହେଲେ ପରେ ତାଙ୍କୁ ଫିଲ୍ମରୁ କାଢି ଦିଆଗଲା । ଯାହାପାଇଁ ସେ ଡିପ୍ରେସନରେ ଆସିଥିଲେ । ଏହି ମାମଲା ଉପରେ ସଞ୍ଜୟଙ୍କ ବୟାନ ରେକର୍ଡ କରିବ ପୋଲିସ ।
ପ୍ରକାଶ ଥାଉକି ସୁଶାନ୍ତଙ୍କ ଆତ୍ମହତ୍ୟା ପାଇଁ ମୁଜାଫରପୁର ସିଜିଏମ କୋର୍ଟରେ ଅଭିଯୋଗ କରାଯାଇଛି । ଏହି ଅଭିଯୋଗ ସଲମାନ ଖାନ, ସଞ୍ଜୟ, ଆଦିତ୍ୟ ଚୋପ୍ରା, କରନ ଜୋହର, ସାଜିଦ ନାଦିୟାଦୱାଲ, ଏକତା କପୁର, ଭୂଷଣ କୁମାର ଓ ଦୀନେଶ ବିଜନଙ୍କ ବିରୋଧରେ କରାଯାଇଛି ।
