ନୂଆଦିଲ୍ଲୀ : ବଲିଉଡର ସ୍ବର୍ଗତ ଅଭିନେତା ସୁନୀଲ ଦତ୍ତଙ୍କ ଆଜି (6 ଜୁନ) ରେ 92 ତମ ଜନ୍ମ ବାର୍ଷିକୀ । ଏହି ଅବସରରେ ତାଙ୍କ ପୁଅ ସଞ୍ଜୟ ଦତ୍ତ ଏବଂ ଝିଅ ପ୍ରିୟା ଦତ୍ତ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଏହା ସହିତ ଦୁହେଁ ସୋସିଆଲ ମିଡିଆରେ ଏକ ଭାବପ୍ରବଣ ନୋଟ୍ ସେୟାର କରି ତାଙ୍କ ପିତାଙ୍କୁ ସ୍ମରଣ କରିଛନ୍ତି ।
- " class="align-text-top noRightClick twitterSection" data="
">
ସଞ୍ଜୟ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ପୁରୁଣା ଫଟୋ ସେୟାର କରିଛନ୍ତି । ଏହି ଫଟୋରେ ସୁନୀଲ ଦତ୍ତ ଛୋଟ ସଞ୍ଜୟ ଦତ୍ତଙ୍କ ହାତ ଧରିଛନ୍ତି ଏବଂ ବାପା ପୁଅ ଦୁହେଁ ହସୁଥିବାର ନଜର ଆସିଛନ୍ତି ।
ଫଟୋର କ୍ୟାପସନରେ ଅଭିନେତା ଲେଖିଛନ୍ତି, 'ପ୍ରତ୍ୟେକ ସୁଖ ଏବଂ ଦୁଃଖରେ ସର୍ବଦା ମୋ ହାତ ଧରିଥିଲ । ତୁମକୁ ମୁଁ ବହୁତ ଭଲ ପାଏ ବାପା, ଜନ୍ମଦିନର ଶୁଭେଚ୍ଛା' ।
- " class="align-text-top noRightClick twitterSection" data="
">
ସଞ୍ଜୟଙ୍କ ବ୍ୟତୀତ ତାଙ୍କ ଭଉଣୀ ପ୍ରିୟା ମଧ୍ୟ ପିତାଙ୍କ ଜନ୍ମ ବାର୍ଷିକୀରେ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସୁନୀଲ ଦତ୍ତଙ୍କ ଭିନ୍ନ ଭିନ୍ନ ଅନ୍ଦାଜର ଫଟୋ ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ଭିଡିଓର କ୍ୟାପସନରେ ପ୍ରିୟା ଲେଖିଛନ୍ତି, ମୋ ବାପା ଜଣେ ସଫଳ ବ୍ୟକ୍ତି ଥିଲେ । ସେ ତାଙ୍କ ଜୀବନରେ ସମସ୍ତ ଭୂମିକାକୁ ବହୁତ ଭଲ ଭାବରେ ଅଭିନୟ କରିଥିଲେ । ଜଣେ ପୁଅ, ସ୍ବାମୀ, ଅଭିନେତା, ରାଜନୈତିକ କାର୍ଯ୍ୟକର୍ତ୍ତା ଏବଂ ସେ ଜଣେ ମହାନ ବ୍ୟକ୍ତି ଥିଲେ । ମୁଁ ବହୁତ ଭାଗ୍ୟବାନ ଥିଲି କାରଣ ମୁଁ ମଧ୍ୟ ତାଙ୍କର କିଛି ଯାତ୍ରା ସହିତ ଜଡିତ ଥିଲି । ଆଜି ଆମେ ତାଙ୍କ ଜୀବନକୁ ପାଳନ କରୁଛୁ ।
ସୁନୀଲ ଦତ୍ତ 50 ଦଶକରେ ବଲିଉଡ କ୍ୟାରିୟର ଆରମ୍ଭ କରିଥିଲେ । ସେ ତାଙ୍କ କ୍ୟାରିୟରରେ 'ମଦର ଇଣ୍ଡିଆ', 'ସୁଜାତା', 'ୱକ୍ତ' ଏବଂ 'ପଡୋସନ' ଭଳି ବହୁ ଚଳଚ୍ଚିତ୍ରରେ ଅଭିନୟ କରିଛନ୍ତି । ଫିଲ୍ମ 'ମଦର ଇଣ୍ଡିଆ' ସମୟରେ ସେ ନର୍ଗିସଙ୍କୁ ବିବାହ କରିଥିଲେ ।
ପ୍ରକାଶ ଥାଉ ଯେ, 2005 ମସିହାରେ ସୁନୀଲ ଦତ୍ତଙ୍କ ହୃଦଘାତ ଯୋଗୁଁ ମୃତ୍ୟୁ ହୋଇଥିଲା ।
