ବାଲୁକା କଳାରେ ସ୍ବର ସାମ୍ରାଜ୍ଞୀ ଲତାଙ୍କୁ ଜନ୍ମଦିନର ଶୁଭେଚ୍ଛା

ଆଜି ବିଶିଷ୍ଟ କଣ୍ଠଶିଳ୍ପୀ ଲତା ମଙ୍ଗେସକରଙ୍କ ଜନ୍ମଦିନ । ବାଲୁକା କଳାରେ ଜନ୍ମଦିନର ଶୁଭେଚ୍ଛା ଜଣାଇଲେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ।

ପୁରୀ: ଆଜି କୋକିଳ କଣ୍ଠୀଙ୍କ ଜନ୍ମଦିନ । 90 ବର୍ଷରେ ପଦାର୍ପଣ କଲେ ସ୍ବର ସାମ୍ରାଜ୍ଞୀ ଲତା ମଙ୍ଗେସ୍‌କର । ବାଲୁକା କଳାରେ ଲତାଙ୍କୁ ଜନ୍ମ ଦିନର ଶୁଭେଚ୍ଛା ଜଣାଇଲେ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।

ବାଳୁକା କଳାରେ ଲତାଙ୍କ ପ୍ରତିକୃତି ସହିତ ଏକ ବୀଣାର ଚିତ୍ର ଆଙ୍କିଛନ୍ତି ସୁଦର୍ଶନ । ଯେଉଁଥିରେ ସେ ହାପି ବାର୍ଥ ଡେ ଲତା ଦିଦି ଲେଖିଛନ୍ତି । ବାଳୁକା କଳା ଦେଖିବାକୁ ସ୍ଥାନୀୟ ଲୋକ ଏକାଠି ହୋଇଥିବାର ଦେଖିବାକୁ ମିଳିଛି ।

ସେପଟେ, କେବଳ ବାଳୁକା ଶିଳ୍ପୀ ନୁହଁନ୍ତି, ଲତାଙ୍କୁ ଚାରିଆଡୁ ଶୁଭେଚ୍ଛାର ସୁଅ ଛୁଟିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ