ମୁମ୍ବାଇ: ଭାଇଜାନ ସଲମାନ ଖାନଙ୍କ ବହୁ ଚର୍ଚ୍ଚିତ ଫିଲ୍ମ 'ଭାରତ' ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । କିନ୍ତୁ ଫିଲ୍ମକୁ ନେଇ ଏବେ ଠାରୁ ଫ୍ୟାନ୍ସଙ୍କ ମଧ୍ୟରେ କ୍ରେଜିନେସ ଦେଖିବାକୁ ମିଳିଲାଣି । ଦର୍ଶକଙ୍କ ଏକ୍ସାଇଟମେଣ୍ଟ ଆହୁରି ବଢାଇବା ପାଇଁ ମେକର୍ସ ଫିଲ୍ମର ଚତୁର୍ଥ ଗୀତ 'ତୁରପେୟା' ରିଲିଜ କରିଛନ୍ତି ।
ଫିଲ୍ମର ଏହି ଗୀତରେ ସଲମାନ ନେଭି ଅଫିସର ଗେଟଅପରେ ନଜର ଆସୁଛନ୍ତି । ଗୀତରେ ସେ ନିଜ ବନ୍ଧୁଙ୍କୁ ଘର ବାହାରେ ସେନା କିପରି ରହୁଛନ୍ତି, ତାହା ବିଷୟରେ କହୁଥିବାର ଦେଖାଯାଇଛନ୍ତି । ଦେଶାତ୍ମବୋଧ ଏହି ଗୀତରେ ସଲମାନଙ୍କ ସହ ବେଲି ଡ୍ୟାନ୍ସର କୁଇନ ନୋରା ଫତେହିଙ୍କ ଜବରଦସ୍ତ ଡାନ୍ସର ତଡକା ଦେଖିବାକୁ ମିଳୁଛି ।
ଏହି ଅବସରରେ ସଲମାନ ଟ୍ବିଟର ଆକାଉଣ୍ଟରେ ଏହି ଗୀତ ସେୟାର କରି ଲେଖିଛନ୍ତି, "ତୁରପେୟା ଘର ସେ ଦୂର । ଏହି ଗୀତରେ 1983ର କାହାଣୀ ଉପସ୍ଥାପନ କରାଯାଇଛି ।" ଗୀତଟିକୁ ବିଶାଲ ଶେଖର ଗାଇଥିବାବେଳେ ଏହାକୁ ଲେଖିଛନ୍ତି ଇରଶାଦ କାମିଲ ।
ପ୍ରକାଶ ଥାଉକି ଫିଲ୍ମରେ ସଲମାନଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ସେକ୍ସୀ ଅଭିନେତ୍ରୀ କ୍ୟାଟ୍ରିନା କୈଫ, ତବ୍ବୁ, ଦିଶା ପାଟାନୀ ଓ ଜ୍ୟାକି ଶ୍ରଫ । ସବୁଥର ପରି ଏଥର ମଧ୍ୟ ସଲମାନଙ୍କ ଫିଲ୍ମ ଇଦରେ ରିଲିଜ ହେବାକୁ ଯାଉଛି ଅର୍ଥାତ୍ ଜୁନ 5ରେ ପରଦାରେ ଦେଖିବାକୁ ମିଳିବ ଏହି ଫିଲ୍ମ ଦର୍ଶକ ।
- " class="align-text-top noRightClick twitterSection" data="">
