ମୁମ୍ବାଇ: ଦବଙ୍ଗ ବୟ ସଲମାନ ଖାନଙ୍କ ବିନ୍ଦାସ ଅନ୍ଦାଜ ସବୁବେଳେ ଦେଖିବାକୁ ମିଳିଥାଏ । ତେବେ କଥା ଫିଲ୍ମର ହେଉ କିମ୍ବା ବ୍ୟକ୍ତିଗତ ଜୀବନର । ସଲମାନ ଯାହାମଧ୍ୟ କରନ୍ତି ସବୁ ସ୍ବାଗରେ କରନ୍ତି । ଏମିତିରେ ସଲମାନଙ୍କ ଏକ ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଛି । ଯେଉଁଥିରେ ସେ ଭାଇ ସୋହେଲ ଖାନ ଏବଂ ପୁତୁରାଙ୍କ ସହ ମସ୍ତି କରୁଥିବାର ନଜର ଆସୁଛନ୍ତି । ବର୍ତ୍ତମାନ ଭିଡିଓଟି ଭାଇରାଲ ହେବାରେ ଲାଗିଛି ।
- " class="align-text-top noRightClick twitterSection" data="View this post on Instagram
Flying jets yohan khan, mohan grover and mr bean bag Being children again..
">
କଥାଟି ହେଲା କି ସଲମାନ ଏହି ଭିଡିଓଟି ପୁତୁରା ୟୋହାନଙ୍କୁ ବର୍ଥଡେ ୱିଶ କରିବା ପାଇଁ ପୋଷ୍ଟ କରିଛନ୍ତ । ଏହି ଭିଡିଓଟି ସ୍ଲୋମୋଶନ ଭିଡିଓ । ଯାହାକୁ କିଛି ଦିନ ପୂର୍ବେ ସଲମାନ ଆରମ୍ଭ କରିଥିଲେ । ସଲମାନଙ୍କ ଏହି ସ୍ଲୋମୋଶନ ଚ୍ୟାଲେଞ୍ଜ ପରେ ଅନେକ ସେଲିବ୍ରିଟି ମଧ୍ୟ ସ୍ଲୋମୋଶନ ଭିଡିଓ ତିଆରି କରି ସୋସିଆଲ ମିଡିଆରେ ସେୟାର କରିଥିଲେ । ଏବେ ନିଜ ଚ୍ୟାଲେଞ୍ଜକୁ ପୂରଣ କରିଛନ୍ତି ସଲମାନ ।
ଏହି ଭିଡିଓରେ ସୋହେଲ ଏକ ବିନ ବ୍ୟାଗ ଉପରେ ଡେଇଁ ବସୁଥିବାର ଦେଖାଯାଇଛନ୍ତି, ଅନ୍ୟପଟେ ୟୋହାନ ବସିଛନ୍ତି । ପିତା ବିନ ବ୍ୟାଗକୁ ଡେଇଁବା ପରେ ଅଧିକ ପ୍ରେସର ଦ୍ବାରା ୟୋହାନ ଉପରକୁ ଉଠିଯାଇଛନ୍ତି । ତାଙ୍କ ସାମ୍ନାରେ ଠିଆ ହୋଇଥିବା ସଲମାନ ଠିକ୍ ଟାଇମରେ ସ୍ଲୋମୋଶନ ପୋଜରେ ତାଙ୍କୁ ଜାବୁଡି ଧରିନେଇଛନ୍ତି ।
ପ୍ରକାଶ ଥାଉକି ସଲମାନଙ୍କ ବହୁ ଚର୍ଚ୍ଚିତ ଫିଲ୍ମ 'ଭାରତ' ଇଦରେ ରିଲିଜ ହୋଇଥିଲା । ଯାହା ବର୍ତ୍ତମାନ ବକ୍ସ ଅଫିସରେ 175 କୋଟି କଲେକ୍ସନ କରିସାରିଲାଣି । ଭାରତ ଫିଲ୍ମରେ ହିଁ ଶୁଣିବାକୁ ମିଳିଛି ସ୍ଲୋମୋଶନ ଗୀତ । ଯାହା ଖୁବ୍ ଲୋକପ୍ରିୟ ହୋଇପାରିଛି ।
