ମୁମ୍ବାଇ: ଫ୍ୟାନ୍ସଙ୍କ ମଧ୍ୟରେ ସବୁବେଳେ ଚର୍ଚ୍ଚାର ବିଷୟ ପାଲଟୁଥିବା ସୁପରଷ୍ଟାର ସଲମାନ ଖାନଙ୍କ ଦୟାଳୁତା ବିଷୟରେ ଅବା କାହାକୁ ଅଜଣା । ଇଦରେ ରିଲିଜ ହୋଇଥିବା ତାଙ୍କ ବହୁ ଚର୍ଚ୍ଚିତ ଫିଲ୍ମ 'ଭାରତ' ବକ୍ସ ଅଫିସରେ ଅନେକ ରେକର୍ଡ ନିଜ ନାମରେ କରିସାରିଲାଣି । ଇତିମଧ୍ୟରେ ସେ ଏମିତି କାମ କରିଛନ୍ତି । ଯାହାଦ୍ବାରା ସେ ପୁଣି ଫ୍ୟାନ୍ସଙ୍କ ହୃଦୟ ଜିତିବାରେ ସଫଳ ହୋଇଛନ୍ତି । ବର୍ତ୍ତମାନ ଚାରିଆଡେ ତାଙ୍କର ପ୍ରଶଂସା ଖୁବ୍ ଶୁଣିବାକୁ ମିଳୁଛି ।
କଥାଟି ହେଲା କି ବୁଧବାର ରାତିରେ ସେ ଏପରି ଲୋକଙ୍କ ପାଇଁ 'ଭାରତ' ଫିଲ୍ମର ସ୍ପେଶାଲ ସ୍କ୍ରିନିଂ କରିଛନ୍ତି, ଯେଉଁମାନେ ଦେଶ ବିଭାଜନ ଦୁଃଖ ସହିଥିଲେ ।
ଏହି ସ୍ପେଶାଲ ସ୍କ୍ରିନିଂରେ ସଲମାନ ନିଜେ ମଧ୍ୟ ସାମିଲ ହୋଇଥିଲେ । ଖାଲି ଏତିକି ନୁହେଁ ସଲମାନ ସେହି ପରିବାର ସହ ବ୍ୟକ୍ତିଗତ ଭାବେ ବିଭାଜନର ଦୁଃଖ ବିଷୟରେ କଥାବାର୍ତ୍ତା ମଧ୍ୟ କରିଥିଲେ । ଏବେ ତାଙ୍କ ସ୍ପେଶାଲ ସ୍କ୍ରିନିଂର କିଛି ଭିଡିଓ ଓ ଫଟୋ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳୁଛି । ସଲମାନ ନିଜେ ଟ୍ବିଟର ଆକାଉଣ୍ଟରେ ଜଣେ ବୃଦ୍ଧ ମହିଳାଙ୍କ ପାଖରେ ବସିଥିବାର ନଜର ଆସୁଛନ୍ତି ।
ଏହାସହ ସେ ଫଟୋ କ୍ୟାପସନରେ ସଲମାନ ଯାହା ଲେଖିଛନ୍ତି ତାହା ଦେଖି ଫ୍ୟାନ୍ସ ନିହାତି ବୁଝିପାରୁଥିବେ କି ଏହି ସ୍କ୍ରିନିଂ ସେହି ଲୋକଙ୍କ ପାଇଁ କେତେ ମହତ୍ବପୂର୍ଣ୍ଣ ଥିଲା, ଯେଉଁମାନେ 1947 ଘଟଣା ଏବଂ ଦେଶ ବିଭାଜନର ବାସ୍ତବ ଅନୁଭବ କରିଥିଲେ ।
