ମୁମ୍ବାଇ: ସଲମାନ ଖାନଙ୍କ ବହୁ ଚର୍ଚ୍ଚିତ ଫିଲ୍ମ 'କିକ-2' କଥା ସାମ୍ନାକୁ ଆସିବା ମାତ୍ରେ ଫିଲ୍ମକୁ ନେଇ ଅନେକ ଖବର ମଧ୍ୟ ପ୍ରାୟତଃ ଶୁଣିବାକୁ ମିଳୁଛି । ଫିଲ୍ମର ନିର୍ଦ୍ଦେଶନା କିଏ କରିବ ତାର ଚର୍ଚ୍ଚା ଅନେକ ଦିନରୁ ଚାଲିଛି । ଏବେ ଫିଲ୍ମ ପାଇଁ ନିର୍ଦ୍ଦେଶକ ଖୋଜା ଖବର ଉପରେ ଫୁଲଷ୍ଟପ୍ ଲାଗିଯାଇଛି । କାରଣ ଫିଲ୍ମକୁ ମିଳିଯାଇଛି ନୂଆ ନିର୍ଦ୍ଦେଶକ । ଆଜ୍ଞା ହଁ, ଫିଲ୍ମଟିର ନିର୍ଦ୍ଦେଶନା ଦାୟିତ୍ବ ତୁଲାଇବାକୁ ଯାଉଛନ୍ତି ନିର୍ଦ୍ଦେଶକ ସାଜିଦ ନାଦିଆୱାଲା ।
ଏହାର ସୂଚନା ନାଦିଆୱାଲା ଗ୍ରାଣ୍ଡସନ ମୁଭିଜର ଟ୍ବିଟର ଆକାଉଣ୍ଟ ଜରିଆରେ ଦିଆଯାଇଛି । ଟ୍ବିଟ ଅନୁଯାୟୀ ଫିଲ୍ମ 'କିକ-2'ରେ ଆଉ କେହି ନୁହେଁ ସାଜିଦ ହିଁ ନିର୍ଦ୍ଦେଶନା ଦାୟିତ୍ବ ସମ୍ଭାଳିବେ ।
ପ୍ରକାଶ ଥାଉକି ଫିଲ୍ମ 'କିକ-2'ରେ ପୁଣିଥରେ ସଲମାନ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମରେ ତାଙ୍କ ସହ ଦ୍ବିତୀୟଥର ବୋଲ୍ଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଡିଜଙ୍କୁ କାଷ୍ଟ କରାଯାଇଛି ।
