ମୁମ୍ବାଇ: ସୋସିଆଲ ମିଡ଼ିଆରେ ଖୁବ ସକ୍ରିୟ ରୁହନ୍ତି ସଲମାନ ଖାନ । ଏହି ବଲିଉଡ଼ ସୁପରଷ୍ଟାର ଲଗାତାର ଭାବେ ଫଟୋ ଓ ଭିଡ଼ିଓ ସେୟାର କରି ଚର୍ଚ୍ଚାରେ ରହୁଥିବା ବେଳେ ଏବେ ସଲମାନଙ୍କ ସର୍ଟଲେସ୍ ଫଟୋ ହେଉଛି ଖୁବ ଭାଇରାଲ ।
ଏହି ଫଟୋରେ ସଲମାନଙ୍କ ପ୍ରଶଂସକ ଅନେକ କମେଣ୍ଟ କରୁଥିବା ବେଳେ ସଲମାନଙ୍କ ଏକ୍ସ-ଗର୍ଲଫ୍ରେଣ୍ଡ ସଙ୍ଗୀତା ବିଜଲାନି (ex girlfriend Sangeeta Bijlani ) ମଧ୍ୟ ରଖିଛନ୍ତି ପ୍ରତିକ୍ରିୟା । ସଲମାନ ଇନଷ୍ଟାଗ୍ରାମ ଆକାଉଣ୍ଟରେ ଏହି ଫଟୋକୁ ସେୟାର କରିଛନ୍ତି ।
ଏହି ଫଟୋରେ ସଲମାନ ସାର୍ଟ ପିନ୍ଧିନଥିବା ବେଳେ ମୁଣ୍ଡରେ ଏକ ଟୋପି ପିନ୍ଧିଛନ୍ତି । ଏହି ଫଟୋରେ ସଲମାନଙ୍କ ବଡ଼ି ଦେଖିବାକୁ ମିଳିଥିବା ବେଳେ ତାଙ୍କ ମୁହଁ ସ୍ପଷ୍ଟ ଦେଖାଯାଉନାହିଁ । ଏହି ଫଟୋକୁ ସେୟାର କରି ସଲମାନ କ୍ୟାପସନରେ ଲେଖିଛନ୍ତି ଯେ Being Humanର ଏହି ଟୋପି ସୁନ୍ଦର ଦେଖାଯାଉଛି କି ନାହିଁ ବୋଲି ନିଜ ଫ୍ୟାନ୍ସଙ୍କୁ ପ୍ରଶ୍ନ ପଚାରିଛନ୍ତି । ଏହି ଫଟୋକୁ ସଲମାନଙ୍କ ଫ୍ୟାନ୍ସ ଖୁବ ପସନ୍ଦ କରୁଛନ୍ତି । ଏହାସହିତ କମେଣ୍ଟ ସେକ୍ସନରେ ନିଜର ପ୍ରତିକ୍ରିୟା ଦେଇଛନ୍ତି । ସଲମାନଙ୍କ ପୂର୍ବତନ ବାନ୍ଧବୀ ସଙ୍ଗୀତା ଏକ ଫାୟାର ଇମୋଜୀ ଦେଇଥିବା ଦେଖିବାକୁ ମିଳିଛି ।
ସଙ୍ଗୀତାଙ୍କ ବ୍ୟତୀତ ଅନ୍ୟ ବଲିଉଡ଼ କଳାକାର ମାନେ ମଧ୍ୟ ନିଜ ପ୍ରତିକ୍ରିୟା ରଖିଛନ୍ତି । କିନ୍ତୁ ଖାସ କଥା ହେଉଛି ଫ୍ୟାନ୍ସଙ୍କ ନଜର ସଙ୍ଗୀତାଙ୍କ କମେଣ୍ଟ ଉପରେ ରହିଛି । ଅନେକ ସଙ୍ଗୀତାଙ୍କ କମେଣ୍ଟରେ ପ୍ରତିକ୍ରିୟା ରଖୁଥିବା ଦେଖିବାକୁ ମିଳିଛି । ସୂଚନା ଥାଉ କି ୯୦ ଦଶକରେ ସଲମାନ ଓ ସଙ୍ଗୀତାଙ୍କ ମଧ୍ୟରେ ପ୍ରେମ ସମ୍ପର୍କକୁ ନେଇ ଖୁବ ଚର୍ଚ୍ଚା ହୋଇଥିଲା । କିନ୍ତୁ ପରବର୍ତ୍ତୀ ସମୟରେ ସଙ୍ଗୀତା ସଲମାନଙ୍କ ସହିତ ବ୍ରେକଅପ୍ କରି ଭାରତୀୟ କ୍ରିକେଟର ତଥା ପୂର୍ବତନ ଅଧିନାୟକ ମହମ୍ମଦ ଆଜାରୁଦ୍ଦିନଙ୍କ ସହିତ ବିବାହ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
