ମୁମ୍ବାଇ: ବର୍ତ୍ତମାନ ଏକ ଭିଡିଓକୁ ନେଇ ପୁଣି ଚର୍ଚ୍ଚାରେ ଭାଇଜାନ ସଲମାନ ଖାନ । ସେ ନିକଟରେ ସାଉଥର ଲୋକପ୍ରିୟ ଅଭିନେତା ଭେଙ୍କଟେଶ ଦଗ୍ଗୁବତୀଙ୍କ ଝିଅ ଆଶ୍ରିତାଙ୍କ ବିବାହରେ ସାମିଲ ହେବାକୁ ପହଞ୍ଚିଥିଲେ । ଖାଲି ବିବାହରେ ସାମିଲ ହୋଇନଥିଲେ ଭାଇଜାନ୍, ସେଠାରେ ଶାନଦାର ଡାନ୍ସ ମଧ୍ୟ କରିଥିଲେ ।
ସେ ଭେଙ୍କଟେଶ ଓ ରାଣା ଦଗ୍ଗୁବତୀଙ୍କ ସହ ମିଶି ନିଜର ପପୁଲାର ଗୀତ 'ଜୁମ୍ମେ କୀ ରାତ' ଗୀତରେ ଜବରଦସ୍ତ ଡାନ୍ସ ପରଫର୍ମ କରିଥିଲେ । ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଛାଇ ଯାଇଛି ।
ଆଶ୍ରିତାଙ୍କ ବିବାହ ଫଙ୍କସନ ଜୟପୁରରେ ଆୟୋଜିତ ହୋଇଥିଲା । ଏହି ଫଙ୍କସନରେ ବି-ଟାଉନର ଅନେକ ସେଲିବ୍ରିଟ ସାମିଲ ହୋଇଥିବାର ମଧ୍ୟ ଦେଖିବାକୁ ମିଳିଛି । ଲୋକପ୍ରିୟ ଅଭିନେତ୍ରୀ ବିନା କାକ୍ଙ୍କ ମଧ୍ୟ ଏହି ବିବାହରେ ସାମିଲ ହୋଇଥିଲେ ।
ଆଶ୍ରିତାଙ୍କ ବିବାହର ଅନେକ ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଆଶ୍ରିତା ଫେବୃଆରୀ 6ରେ ନିର୍ବନ୍ଧ କରିଥିଲେ । ତାଙ୍କ ବିବାହରେ ଅଭିନେତା ରାମଚରଣ ତେଜା, ଉପାସନା, ନାରାର୍ଜୁନ, ନାଗା ଚୈତନ୍ୟ, ରାଣୀ, ସିଙ୍ଗର କମାଲ ଖାନ ମଧ୍ୟ ସାମିଲ ହୋଇଥିଲେ ।
