ମୁମ୍ବାଇ: ବର୍ତ୍ତମାନ ଦବଙ୍ଗ ବଏ ସଲମାନ ଖାନଙ୍କ ଆଗାମୀ ଫିଲ୍ମକୁ ନେଇ ଚର୍ଚ୍ଚା ଜୋର ଧରିଛି । କେତେବେଳେ ତାଙ୍କ ‘କିକ-2’ ବିଷୟରେ ତ ଆଉ କେତେବେଳେ ତାଙ୍କ ‘ରାଧେ’ ଫିଲ୍ମକୁ ନେଇ ଅନେକ କଥା ଶୁଣିବାକୁ ମିଳୁଛି । ସେ ଯାହା ବି ହେଉ କିନ୍ତୁ ସଲମାନ ଏବେ ପ୍ରସ୍ତୁତ ହୋଇସାରିଲେଣି ‘ରାଧେ’ ଫିଲ୍ମରେ କାମ କରିବାକୁ । ଆଉ ଯାହା ଜରିଆରେ ଫ୍ୟାନ୍ସଙ୍କୁ କରିଥିବା ପ୍ରତିଜ୍ଞା ମଧ୍ୟ ପୂରଣ କରିବେ । ଆଜ୍ଞା ହଁ, ଇଦକୁ ନେଇ କନଫ୍ୟୁଜ ଥିବା ତାଙ୍କ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ ହେଲା କି ତାଙ୍କ ରାଧେ ଫିଲ୍ମଟି ଇଦରେ ରିଲିଜ ହେବ ବୋଲି ଶୁଣିବାକୁ ମିଳୁଛି ।
କଥାଟି ହେଲା କି ସଞ୍ଜୟ ଲୀଲା ଭଂସାଲୀଙ୍କ ଫିଲ୍ମ ‘ଇନଶାଲ୍ହା’ ଛାଡିବା ପରେ ନିରାଶ ହୋଇଯାଇଥିଲେ ତାଙ୍କ ଫ୍ୟାନ୍ସ । ଆଉ ଅଧିକ ଫ୍ୟାନ୍ସଙ୍କୁ ନିରାଶ କରିପାରିବେ ନାହିଁ ସଲମାନ । ତେଣୁ ‘ରାଧେ’ ଫିଲ୍ମକୁ ଇଦରେ ରିଲିଜ କରିବେ ବୋଲି ଯୋଜନା କରୁଛନ୍ତି ସେ । ଫିଲ୍ମରେ ସାଇନ ମଧ୍ୟ କରିସାରିଲେଣି ।
‘ଦବଙ୍ଗ 3’ର ସୁଟିଂ ଶେଷ ପରେ ‘ରାଧେ’ ଫିଲ୍ମର ସୁଟିଂ ଆରମ୍ଭ କରିବେ । ‘ରାଧେ’ର ନିର୍ଦ୍ଦେଶନା ଦାୟିତ୍ବ ଅଭିନେତା, କୋରିଓଗ୍ରାଫର ପ୍ରଭୁଦେବା ହିଁ କରିବେ । ସେ ‘ଦବଙ୍ଗ 3’ର ସୁଟିଂ ଏବଂ ପୋଷ୍ଟ ପ୍ରଡକ୍ସନ ସହ ‘ରାଧେ’ର ପ୍ରୀ-ପଡକ୍ସନରେ କାମ କରୁଛନ୍ତି ।
ପ୍ରକାଶ ଥାଉକି ‘ରାଧେ’ ଏକ କୋରିଆନ ଫିଲ୍ମର ହିନ୍ଦୀ ରିମେକ ହେବ । ବର୍ତ୍ତମାନ ସେହି କୋରିଆନ ଫିଲ୍ମର ଟାଇଟଲକୁ ମେକର୍ସ ସିକ୍ରେଟ ରଖିଛନ୍ତି । ଯାହା ରାଇଟ୍ସ ମଧ୍ୟ କିଣା ସରିଲାଣି । ଫିଲ୍ମର ଅଧିକାରୀକ ଘୋଷଣା ଶୀଘ୍ର କରାଯିବ ।
