ହାଇଦ୍ରାବାଦ: ବଲିଉଡ ଷ୍ଟାର୍ସଙ୍କ ଅପେକ୍ଷା ବର୍ତ୍ତମାନ ଅଧିକ ଚର୍ଚ୍ଚାରେ ଷ୍ଟାର କିଡ୍ସ । ସେ ତୈମୁର ହୁଅନ୍ତୁ କିମ୍ବା ସାରା ଅଲ୍ଲୀ ଖାନ । କିଛି ନା କିଛି କାରଣ ପାଇଁ ସର୍ବଦା ଲାଇମ ଲାଇଟରେ ରହିଥାଆନ୍ତି ଷ୍ଟାର୍ସ କିଡ୍ । ବଲିଉଡ ସିତାରାଙ୍କ ଫ୍ରେଣ୍ଡସିପ ସହ ଷ୍ଟାର୍ସ କିଡ୍ ଙ୍କ ମଧ୍ୟରେ ଫ୍ରେଣ୍ଡସିପ ବି ସେତିକି ସୁଦୃଢ । ଏକାସାଥିରେ ବୁଲୁଥିବାର ଅନେକ ସମୟରେ ଦେଖିବାକୁ ମିଳିଛି ।
ନିକଟରେ ଅକ୍ଷୟ କୁମାରଙ୍କ ପୁଅ ଆରବ ଭାଟିଆ ଓ ସୈଫ ଅଲ୍ଲୀ ଖାନଙ୍କ ପୁଅ ଇବ୍ରାହିମ ଅଲ୍ଲୀ ଖାନଙ୍କୁ ଏକାଠି ଦେଖିବାକୁ ମିଳିଛି । ମୁମ୍ବାଇର ଏକ ହୋଟେଲରେ ଡିନର ପାଇଁ ଦୁହେଁ ଯାଇଥିବା ବେଳେ କିଛି ସ୍ଥାନୀୟ ଶିଶୁ ଘେରି ଯାଇଥିଲେ । ଫଟୋ ଉଠେଇବାକୁ ଭିଡ ଲଗାଇଥିଲେ । ଫଟୋରେ ଇବ୍ରାହିମ ଖୁସିରେ କଥା ହେଉଥିବାର ଦେଖିବାକୁ ମିଳିଥିବା ବେଳେ ଆରବଙ୍କୁ ଟିକେ ଚିନ୍ତାରେ ଥିବାର ଦେଖାଯାଇଛି ।
ଦୁଇ ଷ୍ଟାର କିଡୋଙ୍କ ସହ ଅଭିନେତ୍ରୀ ପୂଜା ବେଦୀଙ୍କ ଝିଅ ଆଲିୟା ମଧ୍ୟ ନଜର ଆସିଥିଲେ । ଅଲିୟା ‘ଯବାନୀ ଜାନେମନ’ରେ ବଲିଉଡ ଡେବ୍ୟୁ କରିଛନ୍ତି । ଏଥିରେ ସେ ସୈଫଙ୍କ ଝିଅ ଭୁମିକାରେ ନଜର ଆସିଥିଲେ ।
