ମୁମ୍ବାଇ: ବି-ଟାଉନର ଛୋଟେ ନୱାବ ସୈଫ ଅଲ୍ଲୀ ଖାନ ପଦ୍ମଶ୍ରୀ ସମ୍ମାନ ଫେରାଇବାକୁ ଚାହୁଁଛନ୍ତି । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି । ତେବେ ଏହାର ପ୍ରକୃତ କାରଣ ହେଉଛି ଟ୍ରୋଲର୍ସ । ସୋସିଆଲ ମିଡିଆରେ ସୈଫଙ୍କୁ ଅଧିକାଂଶ ସମୟରେ ଟ୍ରୋଲର୍ସ ଟାର୍ଗେଟ କରି ଥାଆନ୍ତି । ସୈଫଙ୍କୁ ମିଳିଥିବା ପଦ୍ମଶ୍ରୀ ସମ୍ମାନ ଠୁ ଆରମ୍ଭ କରି ରେସ୍ତୋରାଁରେ ହୋଇଥିବା ଝଗଡା ପର୍ଯ୍ୟନ୍ତ ସବୁକ୍ଷେତ୍ରରେ ଛୋଟେ ନବାବ ସମାଲୋଚନାର ଶିକାର ହୋଇଛନ୍ତି ।
ଏହାସହ ସୈଫ ଟଙ୍କା ଦେଇ ପଦ୍ମଶ୍ରୀ ସମ୍ମାନ କିଣିଥିବା କହିଛନ୍ତି ୟୁଜର୍ସ । ସେପଟେ ତାଙ୍କୁ ସମ୍ମାନ ମିଳିବା ସମୟରେ ସେ ପିତାଙ୍କ କଥା ମାନିବାକୁ ଗୁରୁତ୍ବ ଦେଇଥିଲେ । ଭାରତ ସରକାରଙ୍କୁ ପୁରସ୍କାର ପାଇଁ ମନା କରିବା ଉଚିତ ହେବ ନାହିଁ ବୋଲି ସେହି ସମୟରେ ତାଙ୍କ ପିତା ପରାମର୍ଶ ଦେଇଥିଲେ । ମାତ୍ର ଧୀରେଧୀରେ ସମାଲୋଚକଙ୍କ ଟିପ୍ପଣୀ ବୃଦ୍ଧି ପାଇବା ହେତୁ ସେ ଏବେ ଏହି ପୁରସ୍କାର ଫେରାଇବାକୁ ଚାହୁଁଥିବା କହିଛନ୍ତି । ଅରବାଜ ଖାନଙ୍କ ଟକ ଶୋ ପିଞ୍ଚରେ ଏହି ପ୍ରସଙ୍ଗ ଉଠାଇଛନ୍ତି ସୈଫ ।
