ମୁମ୍ବାଇ: ସଂଶୋଧିତ ନାଗରିକତା ଆଇନ ବିରୋଧ ପ୍ରଦର୍ଶନକୁ ନେଇ ଦେଶର ପରିସ୍ଥିତି ଅସମ୍ଭାଳ। ଏହି ମାମଲାରେ ଅନେକ ସେଲିବ୍ରିଟି ନିଜ ନିଜ ପ୍ରତିକ୍ରିୟା ରଖିସାରିଛନ୍ତି। ଆଉ ଏବେ ଛୋଟେ ନୱାବ ସୈଫ ଅଲ୍ଲୀ ଖାନଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ସେ ପ୍ରଥମଥର ଏହି ବିରୋଧ ପ୍ରଦର୍ଶନରେ ନିଜ ବୟାନ ରଖିଛନ୍ତି । ସେ ଦେଶର ପରିସ୍ଥିତିକୁ ନେଇ ଚିନ୍ତିତ ଅଛନ୍ତି ।
ଏକ ସାକ୍ଷାତକାରରେ ଯୋଗ ଦେଇ ସୈଫ କହିଥିଲେ ଯେ ଦେଶରେ ଅନେକ ଜିନିଷ ଏମିତି ଅଛି ଯାହାକୁ ନେଇ ସେ ଚିନ୍ତିତ । ଦେଖିବାକୁ ରହିଲା ଏହି ପରିସ୍ଥିତି କେବେ ଶେଷ ହେବ । ଶାନ୍ତିପୂର୍ଣ୍ଣ ପ୍ରଦର୍ଶନ କରିବା ସମସ୍ତଙ୍କ ଅଧିକାର ଏବଂ ନକରିବା ମଧ୍ୟ ସମସ୍ତଙ୍କର ଅଧିକାର । ସେ ବର୍ତ୍ତମାନର ସ୍ଥିତିକୁ ବୁଝିବା ପାଇଁ ଚେଷ୍ଟା ଚଳାଇଛନ୍ତି । ଆଉ ସଠିକ୍ ଭାବରେ ବୁଝିସାରିବା ପରେ ହିଁ ନିଜ ରାୟ ରଖିବେ। ମିଡିଆରେ ଅନେକ ସମସ୍ୟା ଆଲୋଚନା ହେଉଛି। ଏମିତି ଅନେକ ଜିନିଷକୁ ନେଇ ସେ ଚିନ୍ତିତ ଅଛନ୍ତି ।
ତାଙ୍କ ପୂର୍ବରୁ ଅଭିନେତା ଫରହାନ ଅଖତର, ପରିଣିତି ଚୋପ୍ରା, ରିଚା ଚଡ୍ଡା, ମହମ୍ମଦ ଜୀଶାନ ଆୟୁବ, ଅନୁରାଗ କଶ୍ୟପ, ଶବାନା ଆଜମୀ ମଧ୍ୟ ସିଏଏ ବିରୋଧ ପ୍ରଦର୍ଶନରେ ସାମିଲ ହୋଇ ନିଜ ପ୍ରତିକ୍ରିୟା ରଖିସାରିଛନ୍ତି।
