ହାଇଦ୍ରାବାଦ: ସୋସିଆଲ ମିଡିଆରେ ମଜାଦାର ଭିଡିଓ ସେୟାର ପାଇଁ ଅଭିନେତା ରିତେଶ ଦେଶମୁଖ ଖୁବ୍ ଜଣାଶୁଣା । ରିତେଶ ନିଜର ଏବଂ ବେଳେବେଳେ ପତ୍ନୀ ଜେନେଲିଆଙ୍କ ସହ ଅନେକ କୌତୁକପୂର୍ଣ୍ଣ ଭିଡିଓ ସୋସିଆଲ ମିଡିଆ ଆକାଉଣ୍ଟରେ ଛାଡିଥାନ୍ତି । ଗତକାଲି(ମଙ୍ଗଳବାର) ଏହି ଅଭିନେତାଙ୍କ ଘରବାଲି ଓ ବାହାରବାଲି ଭିଡିଓ ଖୁବ୍ ଭାଇରାଲ ହୋଇଛି ।
- " class="align-text-top noRightClick twitterSection" data="
">
ନିକଟରେ ଫରାହ ଖାନଙ୍କ ଶୋ' ଜି କମେଡି ଫ୍ୟାକ୍ଟ୍ରି ପାଇଁ ରିତେଶ ଓ ଜେନେଲିଆ ସୁଟିଂ କରିଥିଲେ । ଗତ ଗୁରୁବାର ଫରାହ ନିଜ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ବାହାରବାଲି ଓ ଜେନେଲିଆ ଘରବାଲି ଭାବେ ରିତେଶଙ୍କ ସହ ଖେଳୁଥିବା ନଜର ଆସିଛନ୍ତି । ଏହି ଭିଡିଓ ସେୟାର କରି ଫାରାହ ଲେଖିଛନ୍ତି ଯେ ମୋ ଡାର୍ଲିଂ ରିତେଶ ଆମ ଶୋ'କୁ ନିଜ ଘରବାଲି ଅର୍ଥାତ୍ ଜେନେଲିଆଙ୍କୁ ଆଣିଛନ୍ତି । ଯେପରିକି ଭିଡିଓରେ ଦେଖିପାରୁଥିବେ କିଭଳି ରିତେଶ ଦୁଇ ଲେଡିଙ୍କ ସହ ବୁଲୁଛନ୍ତି । ଯେଉଁମାନେ ଶେଷରେ ଏକଜୁଟ ହୋଇ ତାଙ୍କୁ ଛାଡି ପଳାଉଛନ୍ତି ।
ତେବେ କହି ରଖୁଛୁ କି ରିତେଶ ଆଗକୁ ଏକ ହରର କମେଡି ଫିଲ୍ମରେ ନିଜର ଆସିବେ । ଯାହାର ନାଁ କାକୁଡା(Kakuda) । ଏହି ଫିଲ୍ମ ସମ୍ପର୍କରେ ରିତେଶ କହିଛନ୍ତି କି ସୋନାକ୍ଷୀ ଏବଂ ସାକିବଙ୍କ ସହ ଫିଲ୍ମରେ କାମ କରିବାକୁ ମୁଁ ଆଉ ବହୁ ସମୟ ଅପେକ୍ଷା କରିପାରିବ ନାହିଁ । ମୋତେ ବ୍ୟକ୍ତିଗତ ଭାବେ ହରର(ଡର) ଫିଲ୍ମ ପସନ୍ଦ । ତେଣୁ କାକୁଡା ଫିଲ୍ମ ମୋ ପାଇଁ ଏକ ବଡ ସୁଯୋଗ । ଏହି କକାଡୁ ଫିଲ୍ମରେ ସୋନାକ୍ଷୀ ଏବଂ ସାକିବ ମୁଖ୍ୟ ଭୂମିକାରେ ଅଭିନୟ କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
